Thursday 21 February 2019
Home      All news      Contact us      English
azatutyun - 13 days ago

Մոսկվան ԱՄՆ-ից պահանջում է ոչնչացնել Ռումինիայում տեղակայած Aegis Ashore համակարգերը

Ռուսաստանը երեկ Միացյալ Նահանգներից պահանջել է ոչնչացնել Ռումինիայում տեղակայած MK-41 (Aegis Ashore) տեսակի հակահրթիռային համակարգերը: Դրանք, ըստ Մոսկվայի, հակասում են «սառը պատերազմի» տարիներին կնքված փոքր և միջին հեռահարության հրթիռների կրճատման  պայմանագրին: Բացի այդ, ռուսները նույն պատճառաբանությամբ պահանջել են ոչնչացնել որոշ տեսակի անօդաչու թռչող սարքեր: Ռուսատանն իր պահանջը պաշտոնապես ներկայացրել է Մոսկվայում ԱՄՆ դեսպանության ռազմական կցորդին: Ռուսաստանը փետրվարի 3-ին սառեցրել մասնակցությունը փոքր և միջին հեռահարության հրթիռների կրճատման 1987 թվականի պայմանագրին՝ մեկ օր անց այն բանից հետո, երբ ԱՄՆ-ը պաշտոնապես հայտարարել է պայմանագրից դուրս գալու վեցամսյա գործընթացի մասին:  Վաշինգթոնն իր որոշումը բացատրել է պայմանագրին հակասող նոր հրթիռ Ռուսաստանում ստեղծելու հանգամանքով: Ի պատասխան Մոսկվայի պահանջի, Ռումինիայի պաշտպանության նախարար Տեոդոր Մելեսկանուն երեկ ասել է, որ MK-41 տեսակի համակարգերն ունեն սոսկ պաշտպանական նշանակություն: Նախարարի խոսքերով, Բուխարեստը կքննարկի խնդիրը դաշնակիցների հետ և որոշում կընդուընի դրա վերաբերյալ միացյալ համաձայնության  հիման վրա: Մոսկվան հայտարարել է, թե MK-41 տեսակի համակարգերի հարցում «Ռումինիայի նկատմամբ չունի թշնամական կամ ոչ բարյացակամ քայլերի դիմելու մտադրություն»: «Այդունահդերձ մեր պաշտպանության նախարարությունը չի կարող անտեսել Ռումինիայում այդ համակարգերի տեղակայման փաստը»,- հայտարարել է Ռումինիայում Ռուսաստանի դեսպան Վալերի Կուզմինը:

Related news

Latest News
Hashtags:   

Մոսկվան

 | 

պահանջում

 | 

ոչնչացնել

 | 

Ռումինիայում

 | 

տեղակայած

 | 

Aegis

 | 

Ashore

 | 

համակարգերը

 | 
Most Popular (6 hours)

Most Popular (24 hours)

Most Popular (a week)

Sources