Thursday 21 February 2019
Home      All news      Contact us      English
azatutyun - 14 days ago

Քոչարյանը կշարունակի մնալ կալանքի տակ. դատարանը մերժեց նրա պաշտպանների բողոքը

Վերաքննիչ քրեական դատարանն ամբողջությամբ մերժեց Հայաստանի երկրորդ նախագահ Ռոբերտ Քոչարյանի պաշտպանների բողոքը. Քոչարյանը կշարունակի մնալ կալանքի տակ։ Այդ մասին նիստից հետո լրագրողների հետ ճեպազրույցում ասաց գործով դատախազը։ Ըստ դատախազի Քոչարյանը ներկա է եղել այսօրվա նիստին։ Քոչարյանի փաստաբան Հայկ Ալումյանը դատարանի որոշումը «քաղաքական բնույթի» որակեց՝ նշելով՝ «այն կայացվել է քաղաքական պատվերի շրջանակներում»։ «էս գործով մեզ համար ամեն ինչ սպասելի է։ Էս որոշումը գնահատում եմ բացասական և համարում եմ որոշման մեջ իրավաբանական կոմպոնենտը հավասար է զրոյի։ Էս որոշումը 100 տոկոսով քաղաքական բնույթի որոշում է՝ քաղաքական պատվերի շրջանակներում կայացրած, իրավաբանությունն էս որոշման մեջ հավասար է  զրոյի», - ասաց Ալումյանը՝ շարունակելով. - «Պրոցեսն ընթանում էր հավասարության սկզբունքի հիման վրա, որոշումը որը կայացվեց, իրավաբանության հետ որևէ առնչություն չունեցող որոշում է, որովհետև որևէ անաչառ իրավաբան, եթե նայի այն, ինչ ներկայացված է եղել մեր վերաքննիչ բողոքում, առնվազն մի 10 հիմք կգտներ, որոնց միջոցով Քոչարյանն ազատ կարձակվեր»։ Լրագրողների հետ ճեպազրույցում Ալումյանն ասաց, որ նիստից հետո Քոչարյանի հետ զրուցել են, վերջինս համոզմունք է հայտնել, որ «էս գործով  ենթարկվում է քաղաքական հետապնդման»։ Փաստաբանի խոսքով՝ որոշումը բողոքարկվելու է։ «Հերթական բողոքն է գնալու Եվրոպական դատարան, զուգահեռ՝ վճռաբեկ դատարան», - ասաց Ալումյանը։ Նշենք, որ Վերաքննիչ քրեական դատարանում Հայաստանի երկրորդ նախագահ Ռոբերտ Քոչարյանի խափանման միջոցի վերաբերյալ բողոքի քննությունն ավարտվել է փետրվարի 4-ին։ Քոչարյանի փաստաբանները վիճարկում էին առաջին ատյանի դատարանի հունվարի 18-ին որոշումը՝ ևս երկու ամսով երկարաձգել սահմանադրական կարգի տապալման մեջ մեղադրվող Քոչարյանի կալանքը: Հուլիսի 27-ին Երևանի ընդհանուր իրավասության դատարանը Քոչարյանի նկատմամբ խափանման միջոց էր ընտրել երկամսյա կալանավորումը: Օգոստոսի 13-ին Վերաքննիչ դատարանը վերացրել էր առաջին ատյանի այդ որոշումը՝ Սահմանադրությամբ նախագահին տրված անձեռնմխելիության հիմքով: Նոյեմբերի 15-ին Վճռաբեկ դատարանը գործն ուղարկել էր վերաքննիչ ատյան՝ նոր քննության, որի արդյունքում երկրորդ նախագահը դեկտեմբերի 7-ին կրկին կալանավորվեց:  

Related news

Latest News
Hashtags:   

Քոչարյանը

 | 

կշարունակի

 | 

կալանքի

 | 

դատարանը

 | 

մերժեց

 | 

պաշտպանների

 | 

բողոքը

 | 
Most Popular (6 hours)

Most Popular (24 hours)

Most Popular (a week)

Sources