Friday 22 February 2019
Home      All news      Contact us      English
azatutyun - 1 month ago

Դեմոկրատները մերժել են Թրամփի փոխզիջումները

Միացյալ Նահանգների նախագահը փոխզիջումային տարբերակ է առաջարկել դեմոկրատներին՝ կառավարության մասնակի սառեցումը հաղթահարելու համար, որը շարունակվում է արդեն ավելի քան չորս շաբաթ և ամենաերկարն է Ամերիկայի պատմության մեջ: Երեկ Սպիտակ տնից ժողովրդին հասցեագրված ուղերձում Դոնալդ Թրամփը պնդել է պատրաստ է մեղմել դիրքորոշումը ապօրինի ներգաղթյալների որոշակի խմբի, մասնավորապես՝ մանուկ հասակում Ամերիկա եկած ութ հարյուր հազար մարդկանց հարցում: Գործող օրեսդրությամբ վերջիններս չեն կարող քաղաքացիություն ստանալ, սակայն կարող են Նահանգներում օրինական աշխատել: Թրամփը, որ սպառնում էր զրկել նրանց այդ իրավունքից, երեկ հայտարարել է, թե պատրաստ է ևս երեք տարով երկարաձգել օրենքի ժամկետը: Հաջորդ փոխզիջումը վերաբերում էր Նահանգներում ապաստան ստացած շուրջ երեք հարյուր հազար փախստականներին, որոնք հայրենիք վերադառնալու դեպքում կարող են ենթարկվել ճնշումների կամ բռնության: Թրամփը խոստացավ նրանց ևս երեք տարով իրավական պաշտպանության տակ առնել: Ամենավիճահարույց Մեսքիկայի հետ սահմանին պատ կառուցելու հարցում, սակայն, նախագահն անզիջում էր, և կրկին պահանջեց այդ նպատակով բյուջեից 5,7 միլիարդ դոլար հատկացնել: Դեմոկրատներն անընդունելի են համարել Թրամփի առաջարկները, ինչը նշանակում է, որ կառավարության մասնակի սառեցումը կշարունակվի: Ֆինանսական այս տարաձայնությունների պատճառով 800 հազար ամերիկացիներ դեկտեմբերի 22֊ից աշխատավարձ չեն ստացել:

Related news

Latest News
Hashtags:   

Դեմոկրատները

 | 

մերժել

 | 

Թրամփի

 | 

փոխզիջումները

 | 
Most Popular (6 hours)

Most Popular (24 hours)

Most Popular (a week)

Sources