Friday 22 February 2019
Home      All news      Contact us      English
azatutyun - 1 month ago

Լուկաշենկոն պայմաններ է առաջադրում Ռուսաստանի հետ ավելի խորը ինտեգրացիայի համար

Բելառուսի նախագահը Կրեմլի շաբաթներ շարունակված տնտեսական ճնշումներից հետո հայտարարել է որոնք են այն պայմանները, որոնց դիմաց Մինսկը կհամաձայնի Ռուսաստանի հետ միասնական արժույթ ստեղծել, հարկային ու մաքսային քաղաքականոթյունները միավորել։ «Ամեն ինչ պետք է որոշվի ժողովրդի կամքով և իրավահավասարության սկզբունքով»,- պնդել է Ալեքսանդր Լուկաշենկոն Բելառուսի տարբեր տարիների արտգործնախարարների հետ հատուկ հանդիպման ժամանակ: ֊ «Դաշի՞նք եք ուզում խնդրեմ, միությո՞ւն խնդրեմ, սակայն դա պետք է մարդիկ որոշեն, ոչ թե մենք: Ինձ ասում են արի անցնենք միասնական արժույթի։ Մենք դրան դեմ չենք, սակայն դա պետք է լինի հենց միասնական արժույթ, ոչ թե Ռուսաստանի կենտրոնական բանկինը։ Ամեն ինչ պետք է լինի հավասար հիմունքներով: Ուզում եք նույնականացնե՞լ հարկային ու մաքսային քաղաքականությունը: Համաձայն եմ, պայմանով, որ վերցնենք այն լավագույնը, որ կա բելառուսների և ռուսների մոտ, ոչ թե ասեք մենք հզոր ենք, դուք փոքր, մեր օրինակին պետք է հետևեք»։ Երկու երկրների միավորման շուրջ խոսակցություններն ակտիվացան անցած տարեվերջին, երբ Կրեմլը բարձրացրեց Բելառուսին վաճառվող գազի գինն ու հարկային փոփոխություններ մտցրեց, որոնց արդյունքում Մինսկը միլիոնավոր դոլարների վնաս է կրում: Առավել բարենպաստ պայմաններ սահմանելու, վնասը փոխհատուցելու դիմաց Մոսկվան պահանջում է խորացնել ինտեգրացիան, անցնել միասնական արժույթի, մաքսային ու հարկային քաղաքականության: «Մենք այս ամենին պետք է հանգիստ արձագանքենք ու նպատակաուղղված, պետք է պաշտպանենք մեր անկախությունն ու պետականությունը», ֊ նախօրեին հայտարարել է Բելառուսի նախագահը: Ավելի վաղ անցած շաբաթ, անդրադառնալով այս թեմային, Լուկաշենկոն սպառնացել էր, թե այս ճանապարհով գնալու դեպքում Ռուսաստանը կկորցնի արևմտյան ուղղությամբ իր միակ դաշնակցին:

Related news

Latest News
Hashtags:   

Լուկաշենկոն

 | 

պայմաններ

 | 

առաջադրում

 | 

Ռուսաստանի

 | 

ավելի

 | 

ինտեգրացիայի

 | 

համար

 | 
Most Popular (6 hours)

Most Popular (24 hours)

Most Popular (a week)

Sources