Wednesday 23 January 2019
Home      All news      Contact us      English
azatutyun - 12 days ago

Արմեն Գևորգյանի խափանման միջոցի հարցով դատախազության բողոքի քննությունը հետաձգվեց

Նախկին փոխվարչապետ, Ազգային անվտանգության խորհրդի նախկին քարտուղար Արմեն Գևորգյանի խափանման միջոցի հարցով Գլխավոր դատախազության բողոքի քննությունն այսօր հետաձգվեց։ Պատճառաբանվեց, որ պաշտպանական կողմը չի ստացել դատախազության բողոքի օրինակը և ծանոթ չէ, թե ինչ հիմքով է դատախազությունը բողոքարկել Առաջին ատյանի դատարանի որոշումը։ Հաջորդ նիստը նշանակվեց հունվարի 17-ին։ Նշենք, որ Հատուկ քննչական ծառայությունը (ՀՔԾ) միջնորդել էր Գևորգյանի նկատմամբ խափանման միջոց ընտրել երկամսյա կալանքը, սակայն դեկտեմբերի 14-ին Երևանի Ավան և Նոր Նորք ընդհանուր իրավասության դատարանը մերժեց միջնորդությունը։  Գլխավոր դատախազությունը նոր բողոք է բերել Առաջին ատյանի դատարանի որոշման դեմ՝ պահանջելով կալանավորել Գևորգյանին։  Դեռ այս տարվա օգոստոսի 3-ին Արմեն Գևորգյանին մեղադրանք էր առաջադրվել արդարադատությանը խոչընդոտելու համար և գործը միացվել էր «Մարտի 1»-ի գործին։ Ըստ ՀՔԾ-ի, 2008-ի նախագահական ընտրությունների արդյունքները վիճարկելու ժամանակ Գևորգյանը ճնշում է գործադրել Սահմանադրական դատարանի դատավորի վրա, որպեսզի նա որոշում կայացնի նախագահի թեկնածու Սերժ Սարգսյանի օգտին։ Այս մեղադրանքի հետ կապված Գևորգյանի նկատմամբ խափանման միջոց էր ընտրվել ստորագրությունը չհեռանալու մասին։ Դեկտեմբերի 11-ին Գևորգյանին 3 նոր մեղադրանք  ներկայացվեց՝ առանձնապես խոշոր չափերի կաշառք ստանալու, փողերի լվացման և սահմանադրական կարգի տապլմանն օժանդակելու հոդվածներով: 

Related news

Latest News
Hashtags:   

Արմեն

 | 

Գևորգյանի

 | 

խափանման

 | 

միջոցի

 | 

հարցով

 | 

դատախազության

 | 

բողոքի

 | 

քննությունը

 | 

հետաձգվեց

 | 
Most Popular (6 hours)

Most Popular (24 hours)

Most Popular (a week)

Sources