Sunday 20 January 2019
Home      All news      Contact us      English
azatutyun - 10 days ago

«Ես չեմ պատրաստվում հրաժարական տալ». Տիգրան Մուկուչյան

Կենտրոնական ընտրական հանձնաժողովի (ԿԸՀ) նախագահ Տիգրան Մուկուչյանը դեկտեմբերի 9-ին կայացած արտահերթ խորհրդարանական ընտրությունների վերեբերյալ միջազգային դիտորդների գնահատականները կարևորագույն ձեռքբերում է համարում։ Նրա խոսքով՝ այն պետք է պահպանել և զարգացնել։ «Ազատություն». - Էլի կարծո՞ւմ եք այս ընտրություններից հետո, որ տարբեր տարիների ընդդիմության գնահատականները, մինչև վերջին երկու ընտրությունները, իրականությանը չեն համապատասխանել, թե այդ ընտրությունները կեղծվել են հօգուտ Հանրապետականի։ Մուկուչյան. - Գիտեք, համենայն դեպս խնդիրը հետևյալն է՝ ես բազմիցս առիթ ունեցել եմ այդ մասին նշելու, որ քվեարկության արդյունքները հաշվվում, ամրագրվում են տեղամասային ընտրական հանձնաժողովներում, որից հետո դրանք փոխանցվում են Տարածքային ընտրական հանձնաժողովներ, հետո Կենտրոնական ընտրական հանձնաժողով։ «Ազատություն». - Այսինքն մնո՞ւմ եք Ձեր կարծիքին։ Մուկուչյան. - Իհարկե մնում եմ իմ կարծիքին։ «Ազատություն». - Որ ընտրությունները կեղծված չեն եղել։ Մուկուչյան. - Եթե կան Տեղամասային ընտրական հանձնաժողովներում կազմված արձանագրություններ, այդ արձանագրություններում ամրագրված տվյալներ, այդ տվյալները փոխանցվել են Կենտրոնական ընտրական հանձնաժողով և նույնությամբ արտացոլված են Կենտրոնական ընտրական հանձնաժողովի կայքում, ավելին՝ մեր Ընտրական օրենսդրության իրավակարգավորումների համաձայն, Հայաստանի Հանրապետության ընտրական օրենսգրքի իրավակարգավորումներն այնպիսին են, որ մենք քվեարկության արդյունքները հրապարակում ենք նույնիսկ տեղամաս առ տեղամաս, երբ յուրաքանչյուրը կարող է դրանք ստուգել, պարզել, համոզվել։ «Ազատություն». - Իսկ ինչո՞ւ միջազգային դիտորդները տվեցին այնպիսի գնահատականներ, որոնք նախկինում չէին տրվում։ Մուկուչյան. - Գիտեք, ես կառաջարկեի ավելի շատ մտածել, թե ինչո՞ւ տվեցին, այլ ավելի շատ կառաջարկեի մտածել, որ սա իրավամբ կարևորագույն ձեռքբերում է, այն պետք է պահպանել և զարգացնել։ «Ազատություն». - Պարոն Մուկուչյան, և ավանդական դարձած հարցը Ձեզ վերջին ամիսներին տրվող՝ Դուք պատրաստվո՞ւմ եք հրաժարական տալ, թե՞՝ ոչ։ Մուկուչյան. - Ես չեմ պատրաստվում հրաժարական տալ, որովհետև Կենտրոնական ընտրական հանձնաժողովն ունի գործառույթներ, որոնք իրականացնում է, մենք հիմա ունենք Տեղական ինքնակառավարման մարմինների ընտրություններ, պատրաստվում ենք այդ ընտրություններին, արդեն որոշակի գործառույթներ նույնիսկ սկսված են, հետևաբար պետք է պատշաճ կերպով կազմակերպենք և անցկացնենք նաև Տեղական ինքնակառավարման մարմինների ընտրությունները։

Related news

Latest News
Hashtags:   

պատրաստվում

 | 

հրաժարական

 | 

Տիգրան

 | 

Մուկուչյան

 | 
Most Popular (6 hours)

Most Popular (24 hours)

Most Popular (a week)

Sources