Saturday 19 January 2019
Home      All news      Contact us      English
azatutyun - 9 days ago

«Լուսավոր Հայաստան» խմբակցությունը հավանաբար կղեկավարի Էդմոն Մարուքյանը

«Լուսավոր Հայաստան»-ն այսօր խմբակցության նիստում նիստ կգումարի, որի ժամանակ էլ կորոշի խմբակցության ղեկավարի ու քարտուղարի հարցը, այսօր Ալեքսանդր Սպենդիարյանի անվան օպերայի և բալետի ազգային ակադեմիական թատրոնի շենքում մանդատների հանձնման արարողությունից առաջ «Ազատության» հարցին ի պատասխան ասաց կուսակցության ղեկավար Էդմոն Մարուքյանը։ «Այսօր խմբակցության նիստ կունենանք, որից հետո մամուլի հաղորդագրություն կտանք խմբակցության ղեկավարության հետ կապված», - ասաց Մարուքյանը։ «Ազատության» հարցին, թե ի՞նքն է ղեկավարելու խմբակցությունը, Մարուքյանը պատասխանեց. - «Ենթադրվում է, որ այո։ Իսկ քարտուղարի պաշտոնը դեռևս քննարկում ենք»։ «Լուսավոր Հայաստան»-ի առաջնորդն ասաց, որ նոր խորհրդարանում ընդդիմություն են լինելու իշխանությանը։ «Մենք մեր տեսակի մեջ ենք ընդդիմություն, եթե «Բարգավաճ Հայաստան» խմբակցությունը կհայտարարի, որ ընդդիմություն է, կտեսնենք գործունեության արդյունքը», - ասաց Մարուքյանը։ «Ազատության» հարցին, թե «Բարգավաճ Հայաստան»-ի հետ համագործակցության եզրեր տեսնում է, Մարուքյանը պատասխանեց.  - «Մենք համագործակցության եզրեր Հայաստանի քաղաքական բոլոր ուժերի հետ էլ տեսնում ենք, եթե մեր տեսլականի և մոտեցումների շուրջ կարող են գալ ընդհանուր հայտարարի՝ հանուն Հայաստանի Հանրապետության, ոչ թե ինչ-որ մեկի անձնական շահերն առաջ մղելուն այլ հանուն երկրի»։

Related news

Latest News
Hashtags:   

Լուսավոր

 | 

Հայաստան

 | 

խմբակցությունը

 | 

հավանաբար

 | 

կղեկավարի

 | 

Էդմոն

 | 

Մարուքյանը

 | 
Most Popular (6 hours)

Most Popular (24 hours)

Most Popular (a week)

Sources