Saturday 19 January 2019
Home      All news      Contact us      English
azatutyun - 10 days ago

Այսօր տեղի կունենա ԱԺ պատգամավորների մանդատների հանձնման հանդիսավոր արարողությունը

Այսօր Սպենդիարյանի անվան օպերայի և բալետի ազգային ակադեմիական թատրոնի շենքում տեղի կունենա դեկտեմբերի 9-ին կայացած Ազգային ժողովի արտահերթ ընտրությունների արդյունքում ընտրված պատգամավորների մանդատների հանձնման հանդիսավոր արարողությունը: ԿԸՀ քարտուղար Արմեն Սմբատյանը «Ազատության» հետ զրույցում տեղեկացրեց, որ այս անգամ ընթացակարգում նորամուծություն կա, և պատգամավորներին մանդատ կհանձնի ոչ թե Կենտրոնական ընտրական հանձնաժողովի նախագահ Տիգրան Մուկուչյանը, այլ ընտրողները։ «Պատգամավորին մանդատը կհանձնի ոչ թե նախագահը, ինձպես նախկինում էր, այլ կհանձնի ընտրող, և դրա համար ընտրվել են ընտրողներ՝ համակարգչային վիճակահանության եղանակով։ Ամեն տարածքից՝ 13 տարածքներից, 2-ական, և երկու ընտրող էլ առաջին անգամ քվեարկող, որոնց 18 տարին լրացել է դեկտեմբերի 9-ին: Նաև ամենատարեց ընտրողին ենք հրավիրել, որը որ քվեարկել է։ Այս բոլոր 28 ընտրողները, որոնք կմասնակցեն, քվեարկության մասնակցած ընտրողներ են», - ասաց Արմեն Սմբատյանը։ Հարցին, թե արդյոք հրավիրվել են նախորդ գումարման Ազգային ժողովի պատգամավորները, ԿԸՀ քարտուղարը պատասխանեց. - «Ոչ, միայն ընտրված պատգամավորները, ինչպես որ միշտ»։ «Իմ քայլը» դաշինքից պատգամավոր ընտրված Ալեն Սիմոնյանը կարծիք է հայտնում, որ արարողակարգը խորհրդանշական է նոր Հայաստանի համար, քանի որ ևս մեկ անգամ ընդգծում է, որ ադար և թափանցիկ ընտրությունների արդյունքում ընտրողներն են այդ մանդատները վստահել պատգամավորներին: «Շատ հաճելի է, շատ դրական է, շատ պարտավորեցնող է, ու շատ ուրախ եմ, որ տենց որոշում է կայացվել։ Ես ձեզ ասեմ՝ առաջին բանը, որ ես մտածեցի, որ ինձ շատ պարտավորեցնելու է էդ փաստը։ Շատ գեղեցիկ բան է, ինձ շատ դուր եկավ», - նշեց Ալեն Սիմոնյանը։ Ազգային ժողովի դեկտեմբերի 9-ին կայացած արտահերթ ընտրությունների արդյունքում «Իմ քայլը» դաշինքը կստանա պատգամավորական 88 մանդատ, «Բարգավաճ Հայաստան» կուսակցությունը՝ 26, իսկ «Լուսավոր Հայաստան»-ը՝ 18։ 7-րդ գումարման ԱԺ-ի առաջին նիստը կգումարվի հունվարի 14-ին: Ըստ Սահմանադրության, նորընտիր Ազգային ժողովի լիազորությունների ժամկետն սկսվելուց հետո Հանրապետության նախագահն անհապաղ վարչապետ է նշանակում խորհրդարանական մեծամասնության ներկայացրած թեկնածուին:

Related news

Latest News
Hashtags:   

Այսօր

 | 

կունենա

 | 

պատգամավորների

 | 

մանդատների

 | 

հանձնման

 | 

հանդիսավոր

 | 

արարողությունը

 | 
Most Popular (6 hours)

Most Popular (24 hours)

Most Popular (a week)

Sources