Saturday 19 January 2019
Home      All news      Contact us      English
azatutyun - 10 days ago

ՌՈ է ներակայացել զորակոչի ավտոբուսի հետ կապված միջադեպի մասնակից Մերուժան Ոսկանյանը. ՊՆ խոսնակ

Ռազմական ոստիկանություն (ՌՈ) է ներակայացել նաև զորակոչի ավտոբուսի հետ կապված միջադեպի մասնակից Մերուժան Վարուժանի Ոսկանյանը, ֆեյսբուքյան իր էջում գրել է պաշտպանության նախարարության խոսնակ Արծրուն Հովհաննիսյանը։ Այսօր ավելի վաղ Ռազմական ոստիկանությունը հաղորդել էր, որ պարզվել է միջադեպի բոլոր մասնակիցների և կասկածյալների ինքնությունը և անհրաժեշտ օպերատիվ աշխատանքներ են իրականացվում նրանց հայտնաբերելու ուղղությամբ։ Ըստ ՌՈ-ի, հանրային մեծ հնչեղություն ստացած միջադեպի ակտիվ մասնակիցներից 1996 թվականին ծնված, նախկինում դատապարտված Մերուժան Վարուժանի Ոսկանյանը փախուստի մեջ էր: Ռազմական ոստիկանությունը հաղորդել էր, որ հունվարի 8-ին, ժամը 10.30-ից մինչև 11.30-ը ինքնությունը չպարզված մի խումբ անձինք տարբեր ավտոմեքենաներով հետապնդել են Հայաստանի պաշտպանության նախարարության Կոտայքի զինկոմիսարիատի Նաիրիի բաժանմունքից ՀՀ ՊՆ կենտրոնական հավաքակայան նորակոչիկներին տեղափոխող «ՊԱԶ-32053» մակնիշի ՊՆ 3299 Տ զինհամարանիշի ավտոբուսը, որի ընթացքում ճանապարհի տարբեր վայրերում կտրելով ավտոբուսի ճանապարհը, ստեղծելով վթարային իրադրություն, հարկադրել են կանգ առնել, այդ ընթացքում դիտավորությամբ կոպիտ կերպով խախտելով հասարակական կարգը և բացահայտ անհարգալից վերաբերմունք դրսևորելով հասարակության նկատմամբ, ոտքերով հարվածներ են հասցրել ավտոբուսի տարբեր հատվածներին և վնասել այն: «Շարունակելով իրենց իրավախախտ գործողությունները՝ նշված անձինք Երևան քաղաքի Շարուրի փողոցում հերթական անգամ նույն եղանակով կանգնեցրել են ավտոբուսը, նրանցից երկուսը ոտքերով հարվածելով բացել են ավտոբուսի սրահի դռները և ներս մտնելով, բռնություն են գործադրել նորակոչիկներին ուղեկցող՝ այդ պահին ավտոբուսի սրահում գտնվող ՀՀ ՊՆ Կոտայքի զինկոմիսարիատի Նաիրիի բաժանմունքի տեսուչ Հ.Թ.-ի նկատմամբ, հարվածել վերջինիս դեմքին՝ պատճառելով մարմնական վնասվածք, ինչպես նաև հայհոյանքներ հնչեցրել նրա հասցեին, իսկ այլ անձինք, քաշելով վարորդ Վ. Մ.-ի հագուստից, դուրս են բերել նրան ավտոբուսի վարորդի խցիկից», - ասված էր հաղորդագրությունում: Փաստի կապակցությամբ ՊՆ ռազմական ոստիկանությունում Քրեական օրենսգրքի 258-րդ հոդվածի 3-րդ մասի 1-ին կետի հատկանիշներով հունվարի 8-ին հարուցվել է քրեական գործ: «Անհրաժեշտ օպերատիվ հետախուզական միջոցառումներ են իրականացվում՝ միջադեպի մյուս մասնակիցներին հայտնաբերելու ուղղությամբ», - ասված էր հաղորդագրությունում։

Related news

Latest News
Hashtags:   

ներակայացել

 | 

զորակոչի

 | 

ավտոբուսի

 | 

կապված

 | 

միջադեպի

 | 

մասնակից

 | 

Մերուժան

 | 

Ոսկանյանը

 | 

խոսնակ

 | 
Most Popular (6 hours)

Most Popular (24 hours)

Most Popular (a week)

Sources