Saturday 19 January 2019
Home      All news      Contact us      English
azatutyun - 10 days ago

Պաշտպանը «ապօրինության հերթական դրսևորում» է որակում Հարությունյանին կալանավորելու որոշումը

«Մարտի 1-ի» գործով քննչական խմբի նախկին ղեկավար Վահագն Հարությունյանին կալանավորելու որոշումը նրա պաշտպան Միհրան Պողոսյանը հետապնդում է որակում։ Փաստաբանն «Ազատությանն» ասաց, թե մամուլից է տեղեկացել, որ դեռ դեկտեմբերի 30-ին առաջին ատյանի դատարանը բավարարել է Հատուկ քննչական ծառայության միջնորդությունն ու Հարությունյանի նկատմամբ կրկին կլանավորումն է ընտրել որպես խափանման միջոց։ Պողոսյանն ասաց, որ ինքը նիստի մասին իրազեկված չի եղել և մտադիր է բողոք ներկայացնել վերաքննիչ դատարան․ - «Ես սա գնահատում եմ որպես ապօրինության հերթական դրսևորում: Քրեական դատավարության օրենսգիրքը նախատեսում է, որ դատական նիստի մասին ծանուցում իրականացնելու պարտականությունը դատարանն է իրականացնում: Էս պարագայում դատարանից որևէ նշույլ, որ ակնկալվող դատական նիստ կա և այլն․․․ բացարձակապես»:    Դատարանը, ըստ փաստաբանի, խախտել է պաշտպանության իրավունքը։ Նա տեղեկացրեց, որ արդեն դիմել է առաջին ատյանի դատարան՝ որոշում ստանալու ու կալանքի հիմքերը հասկանալու համար։ Հարությունյանի պաշտպանը այս գործելաոճում միտում է տեսնում․ - «Միտումը ակնհայտ է՝ մեկուսացնել պաշտպանական կողմին էս միջնորդության քննարկումից, որպեսզի մեկուսացված լինելու պարագայում իրենց հաճո որոշում կայացվի»: Մարտի մեկի գործով քննչական խմբի նախկին ղեկավարը, ով մեղադրվում է գործով կարևոր ապացույցներ կեղծելու մեջ, այս պահին Հայաստանում չէ և գտնվում է միջազգային հետախուզման մեջ։ Առաջին անգամ նրան կալանավորելու որոշում էր կայացվել դեռ անցած տարվա նոյեմբերի 2-ին, իսկ մոտ մեկ ամիս անց՝ դեկտեմբերի 13-ին, Վերաքննիչ դատարանը բեկանել էր ստորադաս ատյանի որոշումն ու վերացրել էր Հարությունյանի կալանքը։ Տարեվերջին նրա մեղադրանքը լրացվել է․ Հարությունյանն արդեն մեղադրվում է նաև անզգուշությամբ ծանր հետևանքներ առաջացրած պաշտոնեական լիազորությունների չարաշահման և բռնությամբ զուգորդված պաշտոնեական լիազորություններն անցնելու մեջ։

Related news

Latest News
Hashtags:   

Պաշտպանը

 | 

ապօրինության

 | 

հերթական

 | 

դրսևորում

 | 

որակում

 | 

Հարությունյանին

 | 

կալանավորելու

 | 

որոշումը

 | 
Most Popular (6 hours)

Most Popular (24 hours)

Most Popular (a week)

Sources