Saturday 19 January 2019
Home      All news      Contact us      English
azatutyun - 10 days ago

Քոչարյանի փաստաբանական խումբը դիմել է Սահմանադրական դատարան

Հայաստանի երկրորդ նախագահ Ռոբերտ Քոչարյանի փաստաբանական խումբը հունվարի 8-ին դիմում է ներկայացրել Սահմանադրական դատարան: Ըստ Քոչարյանի փաստաբանական խմբի հաղորդագրության, Սահմանադրական վեճի հիմնական առարկան հանդիսանում է Քրեական դատավարության օրենսգրքի 414․2-րդ հոդվածի 1-ին մասի 1-ին կետով նախատեսված օրենսդրական կարգավորումները, որոնք վերաբերում են Վճռաբեկ դատարանի օրենքի և այլ նորմատիվ իրավական ակտերի միատեսակ կիրառության ապահովման լիազորությանը, ինչը հիմք է հանդիսանում վճռաբեկ բողոքը վարույթ ընդունելու համար: «Ազատության» հետ զրույցում Քոչարյանի փաստաբան Հայկ Ալումյանը պարզաբանեց. - «Նախքան Վճռաբեկ դատարանը Դատախազության և մեր բողոքը կքններ, ինքը որոշում է կայացնում բողոքները վարույթ ընդունելու, կամ վարույթ ընդունելը մերժելու մասին, և այդ օրենքը, որով ինքը Դատախազության վճռաբեկ բողոքը վարույթ է ընդունել, մենք գտնում ենք, որ այդ օրենքը հակասահմանադրական է այն մեկնաբանմամբ, որը դրան տալիս է Վճռաբեկ դատարանը։ Այսինքն՝ մենք գտնում ենք, որ տվյալ դեպքում, եթե օրենքը թույլ է տալիս, որ Վճռաբեկ դատարանը Դատախազության էս վճռաբեկ բողոքը վարույթ ընդուներ, էդ օրենքը հակասահմանադրական է»։ Նշենք, որ հաղորդագրության մեջ Քոչարյանի փաստաբանական խումը նաև նշել է, որ այս պահին քննարկում են նաև մի շարք այլ հարցերի վերաբերյալ Սահմանադրական դատարան դիմելու հարցը, իսկ այդ մասին տեղեկատվություն կտրամադրեն առաջիկայում։ Հայաստանի նախկին նախագահը ներկայումս կալանքի տակ է, նա «Մարտի 1»-ի գործով մեղադրվում է սահմանադրական կարգը տապալելու համար: Դատարանը մինչև հունվարի 9-ը հետաձգել է Քոչարյանին կալանքից գրավով ազատ արձակելու միջնորդության քննությունը:  

Related news

Latest News
Hashtags:   

Քոչարյանի

 | 

փաստաբանական

 | 

խումբը

 | 

դիմել

 | 

Սահմանադրական

 | 

դատարան

 | 
Most Popular (6 hours)

Most Popular (24 hours)

Most Popular (a week)

Sources