Sunday 20 January 2019
Home      All news      Contact us      English
azatutyun - 13 days ago

Անթույլատրելի է կենցաղային հողի վրա տեղի ունեցած հանցագործությունն ազգամիջյան հարթություն տեղափոխելու փորձերը. Սփյուռքի նախարարություն

Հայաստանի սփյուռքի նախարարությունն իր խորը մտահոգությունն է հայտնել Ղազախստանի Կարագանդա քաղաքում տեղի ունեցած միջադեպի առնչությամբ: Նախարարությունը հայտնում է, որ ակնդետ հետևում է Կարագանդայում վերջին օրերին տեղ գտած զարգացումներին, մշտական կապի մեջ է տեղի հայ համայնքի ներկայացուցիչների հետ։ «Անթույլատրելի ենք համարում կենցաղային հողի վրա տեղի ունեցած հանցագործությունն ազգամիջյան հարթություն տեղափոխելու փորձերը: Խորապես ցավակցում ենք զոհվածի ընտանիքին և հարազատներին, հույս հայտնում, որ հետաքննությունը կբացահայտի ողջ եղելությունը, իսկ մեղավորները՝ կպատժվեն», - ասված է հայտարարությունում: Նախարարությունը նշում է, որ Ղազախստանի հայ համայնքը պատմականորեն կարևոր դերակատարություն է ունեցել հանրապետության կյանքի ամենատարբեր բնագավառներում, ուստիև նման միջադեպերը չպետք է ազդեն համայնքի հետագա կենսագործունեության և երկու ժողովուրդների ջերմ ու բարիդրացիական փոխհարաբերությունների վրա: Նշենք, որ այսօր Հայաստանի անվտանգության խորհրդի քարտուղար Արմեն Գրիգորյանը հեռախոսազրույց է ունեցել Ղազախստանի նախագահի օգնական-ԱԽ քարտուղար Գաբիթ Բայժանովի հետ։ Հեռախոսազրույցի ընթացքում կողմերը մտքեր են փոխանակել Կարագանդայում ստեղծված իրավիճակի շուրջ: Երկուստեք ընդգծվել է կենցաղային հողի վրա ծագած վեճի արդյունքում տեղի ունեցած ողբերգության ազգամիջյան խնդրի վերածելու անթույլատրելիությունը: Ղազախստանում մի խումբ հայերի մասնակցությամբ  ծեծկռտուքը, որի հետևանքով մեկ մարդ է զոհվել,  բողոքի զանգվածային ցույցերի տեղիք է տվել: Ցուցարարները իշխանություններից պահանջում են մանրակրկիտ հետաքննություն անցկացնել և պարզել ողբերգական միջադեպի հանգամանքները, գտնել ու պատժել մեղավորներին: Ըստ պաշտոնական աղբյուրների, աղմկահարույց միջադեպի մասնակիցներից երեքը հայեր են՝ ծանր հանցագործություն կատարելու կասկածանքով ձերբակալվել են Թորգոմ Մալխասյանը և Սոխակ Մալխասյանը, գործով անցնող Նարեկ Գուրուրյանի նկատմամբ միջազգային հետախուզում է հայտարարվել: Ղազախստանի իրավապահ մարմինները տարածած հաղորդագրությունում միևնույն ժամանակ հերքել են ենթադրությունները, թե ծեծկռտուքը միջէթնիկ բնույթ է կրել: Երեկ Հայաստանի վարչապետի պաշտոնակատար Նիկոլ Փաշինյանը հայտարարել է, որ Կարագանդայի միջադեպը չի կարող ունենալ ազգամիջյան կոնտեքստ։

Related news

Latest News
Hashtags:   

Անթույլատրելի

 | 

կենցաղային

 | 

ունեցած

 | 

հանցագործությունն

 | 

ազգամիջյան

 | 

հարթություն

 | 

տեղափոխելու

 | 

փորձերը

 | 

Սփյուռքի

 | 

նախարարություն

 | 
Most Popular (6 hours)

Most Popular (24 hours)

Most Popular (a week)

Sources