Sunday 20 January 2019
Home      All news      Contact us      English
azatutyun - 13 days ago

Ղազախստանի ՆԳՆ-ը վստահեցնում է հետախուզվող Գուրուրյանին՝ քննությունը կլինի օբյեկտիվ և բազմակողմանի

Ղազախստանի ներքին գործերի նախարարությունը մեկնաբանություն է հրապարակել Կարագանդայում 23-ամյա տղամարդու սպանության գործով հետախուզման մեջ գտնվող Նարեկ Գուրուրյանի կողմից նախօրեին տարածված տեսաուղերձի կապակցությամբ հավաստիացնելով, թե երաշխավորում է «գործի օբյեկտիվ, բազմակողմանի հետաքննություն», և խորհուրդ տալով հետախուզվողին հանձնվել: Գուրուրյանը տեսաուղերձում մասնավորապես հայտարարել է, թե պատրաստ է հանձնվել Ղազախստանի իշխանություններին, պնդելով, թե ինքը մարդ չի սպանել․ - «Այդ չարաբաստիկ օրը «Հին Հռոմ» ռեստորանում ես մասնակցել եմ զանգվածային ծեծկռտուքի, սակայն որևէ մեկին չեմ սպանել: Ես պատրաստ եմ հանձնվել Ղազախստանի իշխանություններին և խնդրում եմ նրանց երաշխավորել իմ անվտանգությունը և թափանցիկ քննություն իրականացնել: Ես պատրաստ եմ պատասխանատվություն ստանձնել իմ արարքների համար, սակայն ուրիշի մեղքն ինձ վրա չեմ վերցնի, ես մարդասպան չեմ»: Ղազախստանի ներքին գործերի նախարարությունից, սակայն, հայտարարում են, որ «առայսօր իրենց հետ ոչ ոք կապ չի հաստատել»: Ըստ Ղազախստանի պաշտոնական աղբյուրների՝ Ամանորի գիշերը Կարագանդայի «Հին Հռոմ» ռեստորանում ծեծկռտուք է տեղի ունեցել, որի հետևանքով մահացել է 23-ամյա տղամարդ: Ծեծկռտուքի 9 մասնակիցներից 8-ը ձերբակալված են, նրանցից 3-ը հայեր են: Ծանր հանցագործություն կատարելու կասկածանքով ձերբակալվել են Թորգոմ Մալխասյանը և Սոխակ Մալխասյանը, Նարեկ Գուրուրյանի նկատմամբ միջազգային հետախուզում է հայտարարվել: Ղազախստանի իրավապահ մարմինները տարածած հաղորդագրությունում հերքել են շրջանառվող ենթադրությունները, թե ծեծկռտուքը ազգամիջյան բնույթ է կրել: Ըստ տարբեր աղբյուրների՝ թե՛ հարձակվողների, թե՛ հարձակման ենթարկվածների թվում տարբեր ազգությունների ներկայացուցիչներ կային:      

Related news

Latest News
Hashtags:   

Ղազախստանի

 | 

վստահեցնում

 | 

հետախուզվող

 | 

Գուրուրյանին՝

 | 

քննությունը

 | 

կլինի

 | 

օբյեկտիվ

 | 

բազմակողմանի

 | 
Most Popular (6 hours)

Most Popular (24 hours)

Most Popular (a week)

Sources