Saturday 19 January 2019
Home      All news      Contact us      English
azatutyun - 11 days ago

«ՍՊԸ-ի տնօրենը չի վճարել ուսուցիչների հանգստի համար նախատեսված խոշոր չափի գումարը», գործն ուղարկվել է դատարան. ՔԿ

Քննչական կոմիտեն տեղեկացնում է, որ կոմիտեի Կոտայքի մարզային քննչական վարչությունում ավարտվել է խաբեության կամ վստահությունը չարաշահելու եղանակով սեփականատիրոջը կամ գույքի այլ տիրապետողին խոշոր չափերի վնաս պատճառելու դեպքի առթիվ հարուցված քրեական գործի նախաքննությունը: Մեղադրանք է առաջադրվել Արտաշատ քաղաքի 1985 թվականին ծնված բնակչին: Ըստ կոմիտեի, քննությամբ ձեռք բերված փաստական տվյալների համաձայն Արտաշատ քաղաքի 33-ամյա բնակիչը, հանդիսանալով ՍՊ ընկերության տնօրեն, 2017 թվականի ամռանը Ծաղկաձոր քաղաքի հանգստյան տներից մեկի տնօրենի հետ ձեռք է բերել բանավոր պայմանավորվածություն՝ իր ընկերության միջոցով սոցիալական փաթեթի շրջանակներում ուսուցիչների հանգիստը կազմակերպելու վերաբերյալ: «Իրականացված բազմակողմանի, լրիվ և օբեկտիվ քննությամբ պարզվել է, որ, պայմանավորվածության համաձայն, 2017 թվականի հուլիսի 16-ից 20-նն ընկած ժամանակահատվածում ՍՊ ընկերության անունից թվով 21 ուսուցիչներ իրենց հանգիստն անցկացրել են տվյալ հանգստյան տանը, սակայն ՍՊ ընկերության տնօրենը չի վճարել ուսուցիչների հանգստի համար նախատեսված խոշոր չափի գումարը», - ասված է հաղորդագրությունում: Ձեռք բերված ապացույցների հիման վրա՝ 33-ամյա տղամարդուն մեղադրանք է առաջադրվել՝ Քրեական օրենսգրքի 184-րդ հոդվածի 1-ին կետով խաբեության կամ վստահությունը չարաշահելու եղանակով սեփականատիրոջը կամ գույքի այլ տիրապետողին խոշոր չափերի վնաս պատճառելը, եթե բացակայում են հափշտակության հատկանիշները: Նրա նկատմամբ խափանման միջոց է ընտրվել ստորագրությունը՝ չհեռանալու մասին: Հայտարարվել է քրեական գործի նախաքննության ավարտի մասին, և քրեական գործը՝ մեղադրական եզրակացությամբ, ուղարկվել է դատարան:

Related news

Latest News
Hashtags:   

տնօրենը

 | 

վճարել

 | 

ուսուցիչների

 | 

հանգստի

 | 

համար

 | 

նախատեսված

 | 

խոշոր

 | 

գումարը

 | 

գործն

 | 

ուղարկվել

 | 

դատարան

 | 
Most Popular (6 hours)

Most Popular (24 hours)

Most Popular (a week)

Sources