Tuesday 18 December 2018
Home      All news      Contact us      English
azatutyun - 11 days ago

Հայաստանի ԱԳ նախարարը հանդիպեց ԵԱՀԿ գլխավոր քարտուղարին

Դեկտեմբերի 6-ին Միլանում Հայաստանի ԱԳ նախարարի պաշտոնակատար Զոհրաբ Մնացականյանը հանդիպել է Եվրոպայում անվտանգության և համագործակցության կազմակերպության գլխավոր քարտուղար Թոմաս Գրեմինգերին։ ԱԳՆ մամուլի ծառայության տարածած հաղորդագրության համաձայն, զրուցակիցներն անդրադարձել են ԵԱՀԿ 25-րդ նախարարական համաժողովի օրակարգին, ԵԱՀԿ շրջանակներում համագործակցությանն առնչվող հարցերի լայն շրջանակի, մտքեր փոխանակել կազմակերպության առջև ծառացած խնդիրների և դրանց լուծման ուղիների շուրջ։ Անդրադարձ է կատարվել ժողովրդավարության, մարդու իրավունքների պաշտպանության և օրենքի գերակայության շրջանակներում Հայաստանում իրականացվող բարեփոխումներին։ Երկուստեք կարևորվել է «Հայաստանի հետ համագործակցության ծրագրի» շարունակականությունը: Զոհրաբ Մնացականյանը և Թոմաս Գրեմինգերը մտքեր են փոխանակել Հայաստանում տեղի ունեցող ներքաղաքական զարգացումների շուրջ: Արտգործնախարարի պաշտոնակատարը վերահաստատել է Հայաստանի կառավարության հանձնառությունն ապահովելու ազատ, արդար ընտրությունների անցկացումը։ Զրուցակիցներն անդարդարձել են Լեռնային Ղարաբաղի խաղաղ կարգավորման գործընթացում տեղի ունեցած վերջին զարգացումներին, նախօրեին ԵԱՀԿ Մինսկի խմբի համանախագահների և Ադրբեջանի ԱԳ նախարարի հետ ունեցած հանդիպմանը, ինչպես նաև Հայաստանի և Ադրբեջանի ԱԳ նախարարների ու ԵԱՀԿ համանախագահ երկրների պատվիրակությունների ղեկավարների համատեղ հնգակողմ հայտարարությանը:

Related news

Latest News
Hashtags:   

Հայաստանի

 | 

նախարարը

 | 

հանդիպեց

 | 

գլխավոր

 | 

քարտուղարին

 | 
Most Popular (6 hours)

Most Popular (24 hours)

Most Popular (a week)

Sources