Wednesday 19 December 2018
Home      All news      Contact us      English
azatutyun - 12 days ago

Ոստիկանության պարզաբանմամբ, ՔՀԳՎ-ի աշխատակիցը «Նյուզ.ամ»-ի խմբագրություն էր այցելել գրություն հանձնելու

«Նյուզ.ամ» կայքի խմբագիր Արմենիկա Կիվիրյանը այսօր իր ֆեյսբուքյան էջում գրել էր՝ «Ոստիկանությունը եկել է Նյուզ.ամ-ի խմբագրություն»: Ոստիկանությունը հարկ է համարել պարզաբանում տարածել նշվածի կապակցությամբ: «Այսօր ոստիկանության ՔՀԳՎ-ի աշխատակիցը միայնակ այցելել է Նյուզ-ի խմբագրություն ՀՀ գլխավոր դատախազությունից փոխանցված տեղեկության հիման վրա պատրաստված գրությունը հանձնելու: Խմբագրությունում նա օրենքով սահմանված կարգով ներկայացել է, գլխավոր խմբագրին հայտնել իր այցի նպատակը ու հանձնել թղթերը: Խմբագիրը բովանդակությանը ծանոթանալուց հետո ասել է, որ կխոսի իր իրավաբանի հետ: Վերջինիս հետ հեռախոսային խոսակցությունից հետո հրաժարվել է վերցնել թուղթը: Ոստիկանության ծառայողի բացատրությունից հետո, որ, միևնույն է, փոստով ուղարկելու է գրությունը, խմբագիրը նորից է զանգահարել իրավաբանին: Իրավաբանները եկել են խմբագրություն, ծանոթացել գրությանը, ինչից հետո գլխավոր խմբագիրը ստորագրել է ոստիկանի օրինակը ու վերցրել գրության իր օրինակը: Ոստիկանության ծառայողը դուրս է եկել խմբագրությունից ու հեռացել», - ասված է ոստիկանության տարածած հաղորդագրությունում: Ոստիկանությունը ավելացրել է․ ֊ «Կախման կետերով, անորոշ հայտարարություն տարածելով, ոստիկանության լրատվության վարչության զանգերը անտեսելով, լրատվամիջոցների հարցերին խորհրդավոր լռությամբ «պատասխանելով» չարժեր, անիմաստ աղմուկ բարձրացնել ի սկզբանե իմանալով, որ տեղի ունեցածը «իրադարձություն» չէ և որևէ աղմուկի հիմք դառնալ չի կարող»: Հաղորդագրությունում նաև նշվում է, որ վերոհիշյալ գրությունը փոխանցվել է նաև այլ լրատվամիջոցի:

Related news

Latest News
Hashtags:   

Ոստիկանության

 | 

պարզաբանմամբ

 | 

աշխատակիցը

 | 

Նյուզ

 | 

խմբագրություն

 | 

այցելել

 | 

գրություն

 | 

հանձնելու

 | 
Most Popular (6 hours)

Most Popular (24 hours)

Most Popular (a week)

Sources