Wednesday 19 December 2018
Home      All news      Contact us      English
azatutyun - 12 days ago

Ոստիկանությունը նյութեր է նախապատրաստում «Իմ քայլի» և «Մենք»-ի կողմնակիցների մասնակցությամբ միջադեպի փաստով

Ոստիկանության Կենտրոնի և Նոր Նորքի բաժիններում նյութեր են նախապատրաստվում «Իմ քայլը» և «Մենք» դաշինքների հաղորդումների հիման վրա, ընդ որում՝ դաշինքների բողոքները միմյանց դեմ են: Ըստ «Իմ քայլը» դաշինքի անդամ Մեսրոպ Պապիկյանի, իր համակիրները նկատել են, որ «Մենք»-ի ակտիվիստները Նոր Նորքի 6-րդ զանգվածում իր պաստառներն են փչացնում․ - «Մոտեցել են, փորձել են հասկանալ, «Մենք»-ի անդամներն իրենց ագրեսիվ են պահել, հարվածել են, ձեռին են խփել, դեմքին են փխել, հեռախոսը ձեռից ընկել ա»: «Մենք» դաշինքի հանրապետական ցուցակի երրորդ համար Անժելա Խաչատրյանը հերքում է, թե իրենց համակիրները ծեծել են Պապիկյանի թիմակցին․ - «Աղջիկներին շատ տգետ տոնով ասել են՝ դու ձայնդ կտրի, աղջի․․․ Թե ինչ ընդհարում ա եղել, չգիտեմ․․․ ու քաշքշուկ է եղել է ընդամենը: Այն հայտարարությունները, որ ծեծ ա եղել, մարմնական վնասվածք, դա իրականության չի համապատասխանում: Թեթևակի քաշքշուկ ա եղել»:  Խաչատրյանն «Ազատության» հետ զրույցում հավաստիացրեց, որ կատարվածից հետո երկու դաշինքների ներկայացուցիչների միջև հեռախոսազրույց է տեղի ունեցել և միջադեպը սպառված են համարել: Սակայն երեկոյան «Իմ քայլի» անդամներ ներկայացած քաղաքացիները, ըստ Խաչատրյանի, ոստիկանների ուղեկցությամբ ներխուժել են «Մենք»-ի կենտրոնական գրասենյակ․ - «Առանց թույլտվության, առանց ներկայանալու, մտել են տղայական ինչ-որ հարցեր պարզելու: Մեր համար դա անընդունելի է»: Շտաբ ներխուժածների մեջ, Խաչատրյանի խոսքով, նաև քաղաքացիական հագուստով ոստիկան է եղել: Մեսրոպ Պապիկյանը հաստատեց, որ ոստիկանների ուղեկցությամբ գնացել են մրցակից ուժի շտաբ․ - «Ոստիկանության հետ մեզ հրավիրեցին իրենց շտաբ․․․ Արտակ Զեյնալյանը»: «Ազատության» հարցին, թե ինչու գնացին հակառակորդ ուժի շտաբը, եթե ամեն դեպքում դիմելու էին ոստիկանություն, Պապիկյանն արձագանքեց․ - «Բա չիմանայի՞նք ինչ ա կատարվել»: Ոստիկանության հաղորդագրության համաձայն, Նոր Նորք վարչական շրջանում միջադեպին մասնակից անձի ինքնությունը պարզվել է, նա հայտնաբերվել ու բերման է ենթարկվել: Պարզվել են նաև «Մենք» դաշինքի շտաբ այցելած անձանց ինքնությունը։ Միջադեպի հանգամանքները պարզվում են: «Մենք» դաշինքից պատգամավորության թեկնածու Անժելա Խաչատրյանը հույս է հայտնում, որ կընթանա արդար քննություն և ամեն ինչ կհարթվի․ - «Դա եղել են թեկնածուների շտաբերի աշխատակիցները: Մենք՝ երկու ուժը միասին, իրար դեմ ոչ մի խնդիր չունի, թեկնածուները իրար հետ որևէ խնդիր չունեն: Կոչ եմ անում մեր գործընկերներին, բոլորին անիմաստ չլարել իրավիճակը, որպեսզի ունենանք խաղաղ, առանց ցնցումների և առանց որևէ միջադեպերի ընտրություններ»: 

Related news

Latest News
Hashtags:   

Ոստիկանությունը

 | 

նյութեր

 | 

նախապատրաստում

 | 

քայլի

 | 

կողմնակիցների

 | 

մասնակցությամբ

 | 

միջադեպի

 | 

փաստով

 | 
Most Popular (6 hours)

Most Popular (24 hours)

Most Popular (a week)

Sources