Wednesday 19 December 2018
Home      All news      Contact us      English
azatutyun - 12 days ago

ՊՆ հանդեպ 700 միլիոն դրամի պարտավորություն չի կատարվել. Գլխավոր դատախազություն

Գլխավոր դատախազությունը տեղեկացնում է, որ Զինվորական դատախազության պետական շահերի պաշտպանության բաժնի կողմից իրականացվող ուսումնասիրությունների արդյունքում արձանագրվել է, որ Պաշտպանության նախարարության և մատակարար կազմակերպությունների միջև կնքված տարբեր պայմանագրերով ստանձնած մոտ 700 միլիոն դրամի չափով պարտավորություններ չեն կատարվել: Ըստ հաղորդագրության, հատկանշական է, որ ընդհանուր առմամբ 1 միլիարդ 317 միլիոն դրամ կազմող 4 տարբեր պայմանագրերով մատակարար կազմակերպություններին թեև տրվել է ավելի քան 620 միլիոն դրամի կանխավճար, սակայն անգամ այդ դեպքում նշված պայմանագրերով շուրջ 230 միլիոն դրամի չափով պարտավորություն չի կատարվել: Պետության գույքային շահերի պաշտպանության նկատառումներով և հիմք ընդունելով «Դատախազության մասին» օրենքի 29-րդ հոդվածի պահանջները բոլոր դեպքերով համապատասխան նախազգուշացումներ են ուղարկվել տնտեսվարող սուբյեկտներին։ «Պայմանագրերի գնի 100 տոկոսի չափով կանխավճար տրամադրելու պայմաններում ստանձնած պայմանագրային պարտավորությունները չկատարելու, այդ ուղղությամբ Պաշտպանության նախարարության համապատասխան պաշտոնատար անձանց կողմից գործուն միջոցներ չձեռնարկելու, սահմանված ընթացակարգով պայմանագրի լուծարման գործընթաց չնախաձեռնելու, և այդ գործընթացներում հնարավոր պաշտոնեական հանցագործությունների դրսևորման դեպքերը քննության առարկա դարձնելու, պետությանը պատճառված վնասի չափը և մեղավոր անձանց շրջանակը հստակեցնելու, վերջիններիս արարքներին իրավական գնահատական տալու նպատակով ուսումնասիրության փաստաթղթերն ուղարկել են ՀՀ ՔԿ ԶՔԳ վարչություն նյութեր նախապատրաստելու և հետագա ընթացքը լուծելու համար», - ասված է հաղորդագրությունում:

Related news

Latest News
Hashtags:   

հանդեպ

 | 

միլիոն

 | 

դրամի

 | 

պարտավորություն

 | 

կատարվել

 | 

Գլխավոր

 | 

դատախազություն

 | 
Most Popular (6 hours)

Most Popular (24 hours)

Most Popular (a week)

Sources