Tuesday 18 December 2018
Home      All news      Contact us      English
azatutyun - 13 days ago

Քննչական կոմիտեն գաղտնալսման գործով մանրամասներ չի հրապարակում

Քննչական կոմիտեի տեղեկատվության և հասարակայնության հետ կապի բաժնի պետ Նաիրա Հարությունյանն այսօր «Ազատության» հետ զրույցում հայտնեց, որ վարչապետի պաշտոնակատար Նիկոլ Փաշինյանի, Ազգային անվտանգության ծառայության և Հատուկ քննչական ծառայության պետերի հեռախոսազրույցների գաղտնալսման երեկ համացանցում տարածված ձայնագրությունը քննում է արդեն իսկ հարուցված քրեական գործի շրջանակում: Սեպտեմբերին, հիշեցնենք, համացանցում տարածվեց ԱԱԾ և ՀՔԾ պետերի հեռախոսազրույցի գաղտնալսման ձայնագրությունը, ուր Արթուր Վանեցյանն ու Սասուն Խաչատրյանը քննարկում են Մարտի 1-ի գործը: Երեկ հրապարկելով նոր ձայնագրությունը՝ Նիկոլ Փաշինյանը այն կոչեց «գաղտնալսման երկրորդ մաս»: «Ուզում եմ նշել, որ Քննչական կոմիտեն դեռևս սեպտեմբերի 12-ին ստացել և վարույթ էր ընդունել Ազգային անվտանգության ծառայության տնօրենի և Հատուկ քննչական ծառայության պետի միջև տեղի ունեցած հեռախոսային խոսակցության գաղտնիությանը խախտելու, այն ձայնագրելու և տարածելու դեպքի առթիվ Գլխավոր դատախազությունում հարուցված քրեական գործը: Քննչական կոմիտեի նախագահի կողմից նախաքննության կատարումը հանձնարարվել էր Հատկապես կարևոր գործերի քննության գլխավոր վարչությանը», - ասաց Նաիրա Հարությունյանը: Հարցին, թե ինչ նորություններ կան նախորդ գաղտնալսման փաստով սեպտեմբերին հարուցված գործով, Հարությունյանն արձագանքեց․ - «Այս պահին, նախաքննության շահերից ելնելով, այլ մանրամասներ հրապարակման ենթակա չեն, բայց ես ուզում եմ նշել, որ տվյալ քրեական գործով ստեղծված է քննչական խումբ, օպերատիվ-հետախուզական մարմինների հետ համատեղ իրականացվում են անհրաժեշտ միջոցառումները՝ դեպքի բոլոր հանգամանքները պարզելու և ենթադրյալ հանցագործություն կատարած անձանց շրջանակը հստակեցնելու, նրանցից յուրաքանչյուրի կատարած արարքին քրեաիրավական գնահատական տալու համար»:    ԱԱԾ պետ Արթուր Վանեցյանը մոտ մեկ շաբաթ առաջ լրագրողների հետ ճեպազրույցում հայտարարել էր, որ արդեն պատկերացնում են, թե ովքեր են պատվիրել ու իրականացրել իր և ՀՔԾ պետի հեռախոսազրույցի գաղտնալսումը, բայց մեղադրանք առաջադրելու համար փաստական հիմքեր չունեն։ Այս առնչությամբ Նաիրա Հարությունյանն ասաց․ - «Ազգային անվտանգության ծառայության տնօրենի խոսքերը չեմ ուզում մեկնաբանել: Կոմիտեում քննվող քրեական գործի շրջանակներում, որպես Քննչական կոմիտեի ներկայացուցիչ, միայն կարող եմ հայտնել, որ այս պահին մենք նախաքննության շահերից ելնելով որևէ մանրամասն հայտնել չենք կարող»: «Կան մարդիկ, որոնք իրենց դիրքով, տեղով․․․ տեղեկացված են լինում: Տեղեկատվությունը ստացվում է, բայց, ցավոք սրտի, չի լինում փաստաթղթավորել այդ տեղեկատվությունը, փաստագրել, այսինքն՝ ունենալ հստակ տվյալներ, որոնք կարող ես տրամադրել քննչական մարմնին, որովհետև մարդիկ, ովքեր արել են այդ գործը, շատ լավ են պարտաստված եղել, և հետքեր չեն թողել, որով կարող ենք մեղադրանքներ ներկայացնել մարդկանց», - նոյեմբերի 28-ին ասել էր Վանեցյանը:   

Related news

Latest News
Hashtags:   

Քննչական

 | 

կոմիտեն

 | 

գաղտնալսման

 | 

գործով

 | 

մանրամասներ

 | 

հրապարակում

 | 
Most Popular (6 hours)

Most Popular (24 hours)

Most Popular (a week)

Sources