Tuesday 18 December 2018
Home      All news      Contact us      English
azatutyun - 13 days ago

Զոհրաբ Մնացականյանը Միլանում մասնակցել է ՀԱՊԿ ԱԳ նախարարների հանդիպմանը

Աշխատանքային այցով Միլանում գտնվող Հայաստանի արտգործնախարարի պաշտոնակատար Զոհրաբ Մնացականյանն այսօր մասնակցել է ԵԱՀԿ նախարարական համաժողովին մասնակցող ՀԱՊԿ անդամ-պետությունների արտգործնախարարների հանդիպմանը: Ըստ Հայաստանի արտաքին գերատեսչության, ԱԳ նախարարները մտքեր են փոխանակել ԵԱՀԿ նախարարական 25-րդ համաժողովի օրակարգային հարցերի և դրանց վերաբերյալ դիրքորոշումների համադրման շուրջ, անդրադարձել են համաժողովի շրջանակներում փոխգործակցությանն առնչվող հարցերի, ՀԱՊԿ անդամ-պետությունների առաջնահերթություններին, նրանց նախաձեռնություններին և դրանց փոխադարձ սատարմանը: Զոհրաբ Մնացականյանն իր խոսքում կարևորել է կառույցի արդյունավետության բարձրացման համար շարունակական քայլերի ձեռնարկումը՝ ուղղված դաշնակցային համերաշխության սկզբունքների վրա հիմնված համագործակցության հետագա զարգացմանը: Այդ առնչությամբ Զոհրաբ Մնացականյանը բարձր է գնահատել ՀԱՊԿ անդամ-պետությունների ԱԳՆ ղեկավարների հետ հանդիպումների այս ձևաչափը, ինչը ևս մեկ հնարավորություն է անդրադառնալու կառույցի առջև ծառացած խնդիրներին, քննարկելու միջազգային հարթակներում անդամ-պետությունների արտաքին քաղաքականության համադրման հարցեր: Նախարարներն անդրադարձել են նաև կազմակերպության գլխավոր քարտուղարի լիազորությունների վաղաժամ դադարեցման գործընթացի նախաձեռնությամբ ՀԱՊԿ շրջանակներում մեկնարկած խորհրդակցությունների ընթացքին:

Related news

Latest News
Hashtags:   

Զոհրաբ

 | 

Մնացականյանը

 | 

Միլանում

 | 

մասնակցել

 | 

նախարարների

 | 

հանդիպմանը

 | 
Most Popular (6 hours)

Most Popular (24 hours)

Most Popular (a week)

Sources