Tuesday 18 December 2018
Home      All news      Contact us      English
azatutyun - 13 days ago

ՊՆ վարորդը 14 տարի աշխատանքի չի ներկայացել, փոխարենն՝ անձնական վարորդի ծառայություններ է մատուցել Լևոն Սարգսյանին. ՔԿ

Քննչական կոմիտեն տեղեկանում է, որ ակնհայտ հանցավոր ճանապարհով ձեռք բերված առանձնապես խոշոր չափերով գույք ձեռք բերելու կամ իրացնելու և առանձնակի արժեք ունեցող առարկա հափշտակելու դեպքերի առթիվ կոմիտեի ՀԿԳ քննության գլխավոր վարչությունում քննվող քրեական գործով կատարված բազմակողմանի քննության արդյունքում փաստական տվյալներ են ձեռք բերվել Պաշտպանության նախարարության աշխատակիցների կողմից իշխանությունը չարաշահելու, առանձնապես խոշոր չափերով վատնում կատարելու վերաբերյալ: Ըստ կոմիտեի, մասնավորապես՝ նախաքննությամբ պարզվել է, որ Պաշտպանության նախարարության թիվ N զորամասի հատուկ նշանակության վաշտի հատուկ նշանակության դասակի ռազմական ոստիկան-վարորդը, ով հետագայում նույն զորամասում նշանակվել է որպես պահպանության և սպասարկման վաշտի պահպանության և սպասարկման դասակի ռազմական ոստիկան, շուրջ 14 տարի՝ 2004 թվականի դեկտեմբերի 14-ից մինչև 2018 թվականի մայիսի 17-ը, չի հաճախել աշխատանքի և չի կատարել աշխատանքային իր պարտականությունները։  Փոխարենը, վերջինս անձնական վարորդի ծառայություններ է մատուցել «Փյունիկ» բարեգործական հիմնադրամի տնօրեն Լ.Սարգսյանին: «Քրեական գործով ձեռք բերված փաստական տվյալների համաձայն՝ Պաշտպանության նախարարության առանձին պաշտոնատար անձինք, շահադիտական, անձնական այլ շահագրգռվածությունից ելնելով, առերևույթ չարաշահել են պաշտոնեական դիրքը՝ համապատասխան ընթացք չեն տվել զինծառայողի աշխատանքի չհաճախելու հանգամանքին, ավելին՝ նրան վճարվել է աշխատավարձ, փոխհատուցվել արձակուրդի գումարը, իսկ 2018 թվականի մայիսի 17-ին հատկացվել արձակման նպաստ՝ երկարամյա ծառայության զինվորական կենսաթոշակի իրավունք ձեռք բերելու հիմքով պահեստազոր արձակվելու կապակցությամբ», - ասված է հաղորդագրությունում: Քննության արդյունքներով Քննչական կոմիտեի ՀԿԳ քննության գլխավոր վարչությունում հարուցվել է նոր քրեական գործ՝ Քրեական օրենսգրքի 375-րդ հոդվածի (Իշխանությունը չարաշահելը, իշխանազանցությունը կամ իշխանության անգործությունը) 1-ին մասով, 179-րդ հոդվածի (Յուրացնելը կամ վատնելը) 3-րդ մասի 1-ին կետով։ «Ձեռնարկվում են անհրաժեշտ քննչական և դատավարական այլ գործողություններ՝ քրեական գործով լրիվ, օբյեկտիվ, բազմակողմանի քննությունն ապահովելու նպատակով , առգրավվել են քրեական գործով կարևոր նշանակություն ունեցող փաստաթղթեր: Նախաքննության արդյունքների մասին տեղեկատվություն կտրամադրենք լրացուցիչ», - ասված է հաղորդագրությունում։ Նշենք, որ Լևոն Սարգսյանը Հայաստանի նախկին նախագահ Սերժ Սարգսյանի եղբայրն է։ Լևոն Սարգսյանը և վերջինիս դուստրը՝ Անի Սարգսյանը կասկածվում են ապօրինի հարստացման և հայտարարագրման ենթակա գույքը թաքցնելու մեջ, իսկ որդին՝ Նարեկ Սարգսյանը՝ միայն ապօրինի հարստացման մեջ:  

Related news

Latest News
Hashtags:   

վարորդը

 | 

աշխատանքի

 | 

ներկայացել

 | 

փոխարենն՝

 | 

անձնական

 | 

վարորդի

 | 

ծառայություններ

 | 

մատուցել

 | 

Սարգսյանին

 | 
Most Popular (6 hours)

Most Popular (24 hours)

Most Popular (a week)

Sources