Tuesday 18 December 2018
Home      All news      Contact us      English
azatutyun - 13 days ago

«Գևորգը բարեց է, սպորտսմեն տղա է, ազգանունը Շահինյան է». Էդմոն Մարուքյան

«Բարգավաճ Հայաստան» կուսակցության առաջնորդ Գագիկ Ծառուկյանի նշած Գևորգը բարեց է (ըմբշամարտիկ), սպորտսմեն տղա է, ազգանունը Շահինյան է», - այսօր քարոզարշավի շրջանակներում լրագրողների հետ ճեպազրույցում «Ազատության» հարցին ի պատասխան պարզաբանեց «Լուսավոր Հայաստան» կուսակցության առաջնորդ Էդմոն Մարուքյանը։ «2012 թվականի ընտրությունների ժամանակ, տարբեր քաղաքական ուժերից մարդիկ գալիս էին և ինձ ասում էին՝ «արի գնանք մեր առաջնորդին հանդիպենք, որ քո համար լավ լինի»։ Մի ուժ էլ «Բարգավաճ Հայաստանն» էր, բնականաբար, այն ժամանակ կոալիցիոն ուժ էր, կոալիցիոն թեկնածուն Վիկտոր Դալլաքյանն էր, և ես որևէ ուժի հետ մերժել եմ հանդիպումները։ Գևորգը բարեց է, սպորտսմեն տղա է ազգանունը Շահինյան է, իրար հետ ենք ծառայել, ինքն ինձ քանի անգամ առաջարկել է հանդիպում Ծառուկյանի հետ և՛ ընտրությունների ընթացքում, և՛ ընտրություններից հետո, երկու անգամ էլ մերժել եմ և ընտրություններից հետո ասացի՝ «որ արդեն ընտրվել եմ, էլ իմաստ չկա, խորհրդարանում կհանդիպենք, էլ ի՞նչ իմաստ կա», - պարզաբանեց Մարուքյանը։ Մարուքյանը նշեց՝ ինքը գործել է պարզ ու թափանցիկ։ «Ես պարզ, բաց թափանցիկ գործել եմ և կուսակցություն եմ և, բնականաբար, հիմա երեկվա եթերից հետո հակաքարոզչությունը մեր նկատմամբ կշարունակի կուժգնանա, շատ բնական է, բայց ես մեր քաղաքական ուղղությունը, մեր գաղափարական ուղղությունը պաշտպանել և պահել եմ, մեր հովանավորը Հայաստանի Հանրապետության քաղաքացին է, քաղաքացիներն են եղել։ Օրինակ, այն ժամանակ մեծամասնական ընտրակարգով դժվար էր չէ՞ ընտրվելը, և չլինելով որևէ կուսակցության անդամ, չլինելով որևէ մեծահարուստի հովանավորյալ, ես դա արել եմ, հիմա ասում են՝ «ա, ուրեմն դրա տակ կոնսպիրոլոգիա կա, ուրեմն մի բան եղել է», հեղափոխություն էլ են այսօր մարդիկ կասկածի տակ դնում», - ասաց Մարուքյանը Երեկ Հանրային հեռուստաընկերության ուղիղ եթերում տեղի ունեցած բանավեճում «Բարգավաճ Հայաստան» կուսակցության ցուցակը գլխավորող Գագիկ Ծառուկյանը հարցրել էր Մարուքյանին, թե նա Գևորգին ճանաչո՞ւմ է։ «Պարոն Մարուքյան, որ դու պատգամավոր էիր ընտրվում, ո՞վ էր քեզ աջակցում։ Դու Գևորգին ճանաչո՞ւմ ես, թե՞՝ չէ, որ քո քարոզարշավն էր կատարում, որ պետք է գայիր Ծառուկյանի մոտ, ճանապարհին ասին՝ «թղթերդ պակաս ա», դու չեկար»։

Related news

Latest News
Hashtags:   

Գևորգը

 | 

բարեց

 | 

սպորտսմեն

 | 

ազգանունը

 | 

Շահինյան

 | 

Էդմոն

 | 

Մարուքյան

 | 
Most Popular (6 hours)

Most Popular (24 hours)

Most Popular (a week)

Sources