Wednesday 19 December 2018
Home      All news      Contact us      English
azatutyun - 14 days ago

«Իմ քայլը» Փաշինյանի գլխավորությամբ մայրաքաղաքում քարոզարշավը սկսել է մետրոպոլիտենից

9 օր հանրապետության բոլոր մարզերն այցելելուց հետո, մայրաքաղաքում նրա առաջին կանգառը Երևանի մետրոպոլիտենն էր։ Փաշինյանը գնացքից գնացք մտնելով՝ ուղևորներին անձամբ բաժանեց «Իմ քայլը» դաշինքի բուկլետներն ու, իհարկե, լուսանկարվեց շատերի հետ։ «Հանրապետության հրապարակ»-ից «Երիտասարդական», այնուհետև «Մարշալ Բաղրամյան» ու «Բարեկամություն»։ Ու մինչև կգար նոր գնացքը, հավաքված քաղաքացիների հետ զրուցելով, Փաշինյանը նկատեց, որ կես ժամ մետրոյով երթևեկելով արդեն հանդիպել է մի քանիսին, ովքեր արտերկրից հայրենիք են վերադարձել մշտական բնակության․ - «Կես ժամ է, և արդեն չորրորդ մարդուն եմ հանդիպում։ Մի զույգ էր, որ Ֆրանսիայից տեղափոխվել է Հայաստան՝ մշտապես բնակվելու, հաջորդը Իրանից, Բեյրութից և Կանադայից»:  Այսօր երեկոյան Նիկոլ Փաշինյանը մեկնելու է Սանկտ Պետերբուրգ՝ մասնակցելու Եվրասիական տնտեսական միության (ԵԱՏՄ) խորհրդի նիստին։ Վաղը Ռուաստանի հյուսիսային մայրաքաղաքում պետք է կայանար նաև ՀԱՊԿ գագաթնաժողովը, որը սակայն հետաձգվել է։ Երեկ Վլադիմիր Պուտինի օգնական Յուրի Ուշակովը հայտարարել էր, թե դեկտեմբերի 6-ին նախատեսված ՀԱՊԿ գագաթնաժողովը հետաձգվել է ընտրություններին նախապատրաստվող Հայաստանի խնդրանքով: Ի պատասխան «Ազատության» հարցի, Փաշինյանն այսօր տարօրինակ որակեց այս հայտարարությունը․ - «Հայաստանը ոչ մեկին ոչ մի խնդրանքով չի դիմել․․․ ոչ էլ առաջարկությամբ:  Մենք ասել ենք, որ մենք ունենք մեր թեկնածուն ՀԱՊԿ-ում, և մենք հետևողականորեն շարունակում ենք բանակցել մեր թեկնածուի շուրջ»:

Related news

Latest News
Hashtags:   

քայլը

 | 

Փաշինյանի

 | 

գլխավորությամբ

 | 

մայրաքաղաքում

 | 

քարոզարշավը

 | 

սկսել

 | 

մետրոպոլիտենից

 | 
Most Popular (6 hours)

Most Popular (24 hours)

Most Popular (a week)

Sources