Wednesday 19 December 2018
Home      All news      Contact us      English
azatutyun - 14 days ago

ԱՆ-ն կոչով դիմել է համաներմամբ ազատ արձակված ու զբաղվածության խնդիր ունեցող անձանց

Արդարադատության նախարարությունը կոչ է արել սոցիալական, այդ թվում՝ զբաղվածության խնդիրներ ունեցող համաներմամբ ազատ արձակված անձանց դիմել սոցիալական ծառայություններ տրամադրող տարածքային մարմիններ, այդ թվում՝ սոցիալական ապահովության տարածքային կենտրոններ և զբաղվածության տարածքային կենտրոններ: «Տեղյակ եք, որ ներկայում ընթանում է«Էրեբունի-Երևանի հիմնադրման 2800-ամյակի և Հայաստանի առաջին հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին» օրենքի կիրառման գործընթացը: Հաշվի առնելով այդ հանգամանքն՝ Արդարադատության նախարարությունը դիմել է Աշխատանքի և սոցիալական հարցերի, ինչպես նաև Տարածքային կառավարման և զարգացման նախարարություններին՝ համաներման հիմքով պատժից ազատված անձանց վերասոցիալականացման գործընթացի շարունակականությունն ապահովելու և, ըստ այդմ, կրկնահանցագործության ռիսկերը նվազեցնելու հարցում աջակցություն ցուցաբերելու նպատակով: Ուստի, առաջարկում ենք համաներման հիմքով պատժից ազատված այն անձանց, որոնք ունեն սոցիալական, այդ թվում՝ զբաղվածությանն առնչվող խնդիրներ, դիմել սոցիալական ծառայություններ տրամադրող տարածքային մարմիններ, այդ թվում՝ սոցիալական ապահովության տարածքային կենտրոններ և զբաղվածության տարածքային կենտրոններ», - ասված է նախարարության հաղորդագրությունում: Նոյեմբերի 3-ին նախագահ Արմեն Սարգսյանը  ստորագրեց Ազգային ժողովի ընդունած Էրեբունի-Երևանի հիմնադրման 2800-ամյակի և Հայաստանի առաջին հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին օրենքը։ Համաներումն ընդհանուր առմամբ տարածվում է 6.5 հազար անձանց վրա, 835 դատապարտյալ ազատ կարձակվի, կկրճատվի մի քանի հարյուր դատապարտյալների պատժաչափը։ Ըստ Արդարադատության նախարարության քրեակատարողական ծառայության, դեկտեմբերի 4-ի դրությամբ ազատ է արձակվել 545 դատապարտյալ։

Related news

Latest News
Hashtags:   

կոչով

 | 

դիմել

 | 

համաներմամբ

 | 

արձակված

 | 

զբաղվածության

 | 

խնդիր

 | 

ունեցող

 | 

անձանց

 | 
Most Popular (6 hours)

Most Popular (24 hours)

Most Popular (a week)

Sources