Saturday 15 December 2018
Home      All news      Contact us      English
azatutyun - 10 days ago

Հայաստանը ԱՊՀ-ում ոսկերչական զարդեր և թանկարժեք քարեր արտահանող երկրորդ երկիրն է․ «Բիզնես Արմենիա»

«Բիզնես Արմենիա»-ն հրապարակել է ոսկերչության ոլորտի ձեռքբերումներն ու ներդրումային առավելությունները ներկայացնող մարքեթինգային փաթեթը, որում ներառված հետազոտության տվյալով՝ Հայաստանն ԱՊՀ երկրների շարքում ոսկերչական զարդեր և թանկարժեք քարեր արտահանող երկրորդ երկիրն է։ «Անցած տարի արտադրված զարդերի ու թանկարժեք քարերի կեսից ավելին արտահանվել է Շվեյցարիա։ Ոլորտի մասնաբաժինն ամբողջ արտահանումների ծավալի 13 տոկոսն է կազմում։ Զարդերի արտադրությունն անցած տարի աճել է 36 տոկոսով, իսկ միայն ադամանդի վերամշակման ծավալը վերջին 4 տարում տարեկան միջինը աճել է ավելի քան 50 տոկոսով», - ասված է «Բիզնես Արմենիա»-ի հանրային կապերի թիմի հաղորդագրությունում: Հայաստանում ոսկերչության ոլորտի ներդրումային գրավչությունների շարքին են դասվել փաստերը, որ հումքի ներմուծումն ամբողջությամբ ազատված է ԱԱՀ-ից, և որ Հայաստանում ժամագործությամբ, ադամանդագործությամբ, ոսկեգործությամբ զբաղվող ընկերությունների համար գործում է ազատ տնտեսական գոտի։ Հրապարակվել է նաև միջազգային ներդրողներին ուղղված տեղեկատվական տեսանյութ, որը ներկայացնում է ոսկերչության ոլորտի ցուցանիշերն ու արտոնյալ ռեժիմները։ «Մարքեթինգային փաթեթն ուղղված է միջազգային ներդրողներին, ներկայացվում է «Select Armenia» («Ընտրի՛ր Հայաստանը») բրենդավորմամբ և «Քայլ արա՛, ընտրի՛ր Հայաստանը» կարգախոսով։ Հետազոտությունը և ամբողջական փաթեթը՝ Select Armenia-ի հարթակներում են», - ասված է հաղորդագրությունում:  

Related news

Latest News
Hashtags:   

Հայաստանը

 | 

ոսկերչական

 | 

զարդեր

 | 

թանկարժեք

 | 

քարեր

 | 

արտահանող

 | 

երկրորդ

 | 

երկիրն

 | 

Բիզնես

 | 

Արմենիա

 | 
Most Popular (6 hours)

Most Popular (24 hours)

Most Popular (a week)

Sources