Saturday 15 December 2018
Home      All news      Contact us      English
azatutyun - 10 days ago

Նախկինում ENEMO-ի դիտորդական հայտը մերժվել է Հայաստանի կողմից. Վույովիչ

Առաջին փոխվարչապետի պաշտոնակատար Արարատ Միրզոյանն ընդունել է Ընտրությունները դիտարկող կազմակերպությունների եվրոպական ցանցի (ENEMO) դիտորդական առաքելության պատվիրակությանը։  Ըստ կառավարության պաշտոնական կայքէջի, պատվիրակության ղեկավար Զլատկո Վույովիչը նախ արձանագրել է, որ նախկինում ENEMO-ի դիտորդական հայտը մերժվել է Հայաստանի կողմից, և ողջունել դեկտեմբերի 9-ին կայանալիք արտահերթ խորհրդարանական ընտրական գործընթացում իրենց դիտորդական առաքելության ներգրավումը։ Վույովիչն ընդգծել է, որ ի տարբերություն անցած խորհրդարանական ընտրությունների, ընտրական գործընթացներում ներգրավված հաստատությունները և հատկապես՝ Կենտրոնական ընտրական հանձնաժողովը, ունենալով նույն կազմը և գործելով նույն օրենսդրական կարգավորումների պայմաններում, դրսևորում են բացարձակ այլ որակի գործունեություն՝ առավել բաց են, անկախ և թափանցիկ։ Պատվիրակության անդամները նախընտրական քարոզարշավի ընթացքը բնորոշել են հանգիստ։  Արարատ Միրզոյանը վերահաստատել է, որ Հայաստանի իշխանություններն ունեն հաստատուն կամք ինչպես կանխելու, այնպես էլ բացահայտելու ընտրակաշառքի կամ ընտրական այլ խախտումների դրսևորումները։ Միաժամանակ, առաջին փոխվարչապետի պաշտոնակատարը կարևորել է, որ իրավասու մարմինների ուշադրության կենտրոնում պետք է լինեն տեղերում անցյալ անպատվաբեր գործելակերպի հնարավոր դրսևորումները բացառելու հարցերը։ Պատվիրակության անդամների հարցին ի պատասխան՝ Միրզոյանն անդրադարձել է կառավարության կողմից մշակված Ընտրական օրենսգրքի այն փոփոխություններին, որոնք միտված էին առավել ժողովրդավարական ու ընտրապայքարի մասնակիցների համար հավասար պայմաններ ապահովելուն, քաղաքական բազմակարծության երաշխիքների ամրապնդմանը և այլն։ Արարատ Միրզոյանը նշել է, որ ընտրվելու դեպքում, այդ փոփոխությունների իրականացումը շարունակելու է մնալ իր քաղաքական ուժի առաջնահերթությունների շարքում։ Ընտրությունները դիտարկող կազմակերպությունների եվրոպական ցանցն առաջին անգամ է դիտորդական առաքելություն իրականացնում Հայաստանում: Իր գործունեությունը Հայաստանում ENEMO-ն սկսել է սույն թվականի նոյեմբերի սկզբին, և դիտորդական առաքելությունը երկրում կմնա ընտրություններից հետո ևս վեց շաբաթ՝ մեկնելով Հայաստանից 2019 թ. հունվարի կեսերին:

Related news

Latest News
Hashtags:   

Նախկինում

 | 

ENEMO

 | 

դիտորդական

 | 

հայտը

 | 

մերժվել

 | 

է Հայաստանի

 | 

կողմից

 | 

Վույովիչ

 | 
Most Popular (6 hours)

Most Popular (24 hours)

Most Popular (a week)

Sources