Saturday 15 December 2018
Home      All news      Contact us      English
azatutyun - 11 days ago

Ռուսաստանի մարզիկներին պատժելու որոշումը մնում է ուժի մեջ

Թեթև ատլետիկայի միջազգային ֆեդերացիան քվեարկությամբ երկարաձգել է Ռուսաստանի թեթև ատլետիկայի ֆեդերացիայի նկատմամբ գործող պատժամիջոցները, ինչի հետևանքով ռուսաստանցի մարզիկները վերստին զրկվել են ազգային դրոշի ներքո միջազգային մրցումներին մասնակցելու իրավունքից: Այդ մասին հայտնել է թեթև ատլետիկայի միջազգային ֆեդերացիայի Ռուսաստանի հարցով աշխատանքային հանձնաժողովի ղեկավար Ռունե Անդերսենը: «Ոորոշվել է չվերականգնել ռուսաստանցի մարզիկների իրավունքները, քանի դեռ ամբողջապես չեն կատարվել «ճանապարհային քարտեզով» նախատեսված բոլոր հանձնարարությունները»,- ասել է Անդերսենը: Նրա փոխանցմամբ, թեթև ատլետիկայի միջազգային ֆեդերացիան, մասնավորապես, պահանջում է անհապաղ ընձեռել մոսկովյան լաբորատորիայում պահվող հակադոպինգային համաշխարհային գործակալության փորձանմուշները հետազոտելու հնարավորություն: Բացի այդ, ռուսական կողմը պետք է վճարի 2 միլիոն 760 հազար դոլար հատուցում ֆեդերացիայի իրավունքները վերականգնելու համար: Ռուսաստանի անդամությունը թեթև ատլետիայի միջազգային ֆեդերացիային սառեցվել է 2015 թվականին՝ խթանիչների համատարած կիրառման փաստերի բացահայտման կապակցությամբ: 2016 թվականին միջազգային ֆեդերացիան ընդունել որոշում, ըստ որի խթանիչներ չօգտագործող առանձին ռուսաստանցի մարզիկներ կարող են անհատական կարգով մասնակցել միջազգային մրցումներին, պայմանով, որ չեն ներկայանա պետական դրոշի ներքո:

Related news

Latest News
Hashtags:   

Ռուսաստանի

 | 

մարզիկներին

 | 

պատժելու

 | 

որոշումը

 | 

մնում

 | 
Most Popular (6 hours)

Most Popular (24 hours)

Most Popular (a week)

Sources