Saturday 15 December 2018
Home      All news      Contact us      English
azatutyun - 11 days ago

«Ոչ մի չինովնիկ իր կերածը չի մարսելու, իր լափածը, գողացածը չի մարսելու». Նիկոլ Փաշինյան

Երբ նոր խորհրդարան կընտրվի, Արամ Հարությունյանն իր պատգամավորական անձեռնմխելիությունը կկորցնի և քրեական գործի ընթացքը կշարունակվի բնական հունով, այսօր Աշտարակում քարոզարշավի ժամանակ՝ անդրադառնալով 14 միլիոն դոլար կաշառք ստանալու մեջ կասկածվող հանրապետական պատգամավոր Արամ Հարությունյանին Ազգային ժողովում անձեռնմխելիությունից զրկելու հարցին հայտարարեց վարչապետի պաշտոնակատար, «Իմ քայլը» դաշինքի ցուցակը գլխավորող Նիկոլ Փաշինյանը։ «Այսօր Ազգային ժողովում պետք է քննարկվեր Երրորդ հանրապետության պատմության մեջ ամենախոշոր կոռուպցիոն քրեական գործի հետ կապված հարց՝ պետք է քննարկվեր դատախազության միջնորդությունը նրան որպեսզ մեղադրյալ ներգրավելու։ Բա ի՞նչ էիք մտածում, բա հո մարդիկ անիմաստ գործի չէին գալիս-գնում, 14 միլիոն, բա իրանք հո տենց մելկի տղե՞րք չեն, իրանք տենց 14 միլիոն լինի, 20, 30, 50, 500, միլիարդ... ու հիմա ամենակարևոր արձանագրումը, բայց Ազգային ժողովում քվորում չկա, որ Արամ Հարությունյանի հարցը լուծվի։ Դրա համար էլ մենք էդ Ազգային ժողովը ցրեցինք», - ասաց Փաշինյանը՝ շարունակելով. - «Դեկտեմբերի 9-ի ընտրություններից հետո, երբ նոր խորհրդարան կընտրվի, Արամ Հարությունյանն իր պատգամավորական անձեռնմխելիությունը կկորցնի և քրեական գործի ընթացքը կշարունակվի բնական հունով։ 14 միլիոն դոլար՝ մի գործով, էն պատմությունն է «չոռ ուտի նանը», ամենքդ մի 14 միլիոն դոլար որ տաք, մենք էլ արանքում յոլա կգնան, իսկ եկեք նայենք մեր ճանապարհների վիճակը, մեր զինվորների վիճակը»։ Անդրադառնալով դատական համակարգին՝ Փաշինյանը նշեց, որ համակարգում շատ են կոռումպացված, թալանչի դատավորները։ «Նրանց հատ-հատ բերելու ենք պատասխանատվության։ Այնքան տարի ապօրինի մարդկանց լցրել են բանտերը, բա «Մարտի 1»-ի գործով Եվրադատարանն արդեն վճիռներ է սկսել կայացնել՝ տասնյակ գործերով, էդ դատավորներին թվում է, թե իրենք մարսելու են։ Որևէ մեկը Հայաստանի Հանրապետությունում՝ ներկա կլինի, նախկին կլինի, ապագա կլինի, ոչ մի չինովնիկ իր կերածը չի մարսելու, իր լափածը, գողացածը չի մարսելու», - ասաց վարչապետի պաշտոնակատարը։

Related news

Latest News
Hashtags:   

մի չինովնիկ

 | 

կերածը

 | 

մարսելու

 | 

լափածը

 | 

գողացածը

 | 

մարսելու

 | 

Նիկոլ

 | 

Փաշինյան

 | 
Most Popular (6 hours)

Most Popular (24 hours)

Most Popular (a week)

Sources