Saturday 15 December 2018
Home      All news      Contact us      English
azatutyun - 11 days ago

Ռոհանին սպառնում է փակել Հորմուզի նեղուցը

Իրանի նախագահ Հասան Ռոհանին հերթական անգամ սպառնացել է փակել Հորմուզի նեղուցը, որով նավթ արտահանող երկրները շուկա են հանում ծովով փոխադրվող ամբողջ հումքի գրեթե մեկ երրորդը: «Եթե մի օր Միացյալ Նահանգներն արգելափակի իրանական նավթի փոխադրումը, Հորմուզով ընդհանրապես նավթ չի փոխադրվի», - հայտարարել է Ռոհանին Իրանի պետական հեռուստատեսությամբ հեռարձակված ուղերձում: Նա ասել է նաև, թե Միացյալ Նահանգներն ի զորու չէ կասեցնել իրանական նավթի փոխադրումները: Ռոհանին նմանօրինակ սպառնալիքներ է հնչեցրել նաև այն բանից հետո, երբ նախագահ Դոնալդ Թրամփը մայիսին հայտարարել է 2015 թվականի միջուկային համաձայնագրից ԱՄՆ-ի դուրս գալու մասին: Հորմուզի նեղուցն ամբողջ աշխարհի համար հույժ կարևոր է Պարսից ծոցով հում նավթի փոխադրման հարցում: Իրանի Հեղափոխական գվարդիայի համակարգում առանցքային դեր կատարող և անմիջապես գերագույն հոգևոր առաջնորդ, այաթոլա Ալի Խամենեիին ենթարկվող Quds ստորաբաժանման հրամանատար, գեներալ Քասեմ Սոլեյմանին ողջունել է նախագահի այդ հայտարարությունը:    

Related news

Latest News
Hashtags:   

Ռոհանին

 | 

սպառնում

 | 

փակել

 | 

Հորմուզի

 | 

նեղուցը

 | 
Most Popular (6 hours)

Most Popular (24 hours)

Most Popular (a week)

Sources