Tuesday 18 December 2018
Home      All news      Contact us      English
azatutyun - 15 days ago

ՄԱԿ-ի ԱԽ-ն կանդրադառնա Իրանի հրթիռային փորձարկմանը

ՄԱԿ-ի Անվտանգության խորհուրդն այսօր դռնփակ նիստում կանդադառնա Իրանի վերջին հրթիռային փորձարկմանը, որը Միացյալ Նահանգները և դաշնակիցները որակել են որպես երեք տարի առաջ Անվտանգության խորհրդի ընդունած բանաձևի խախտում: Ֆրանսիան այս վերջին փորձարկումն անվանել է «սադրիչ և ապակայունացնող արարք, որը հակասում է ՄԱԿ-ի Անվտանգության խորհրդի թիվ 2231 բանաձևին»: ՄԱԿ-ի Անվտանգության խորհրդի այդ բանաձևը 2015 թվականի միջուկային համաձայնության մաս է կազմել: Մեծ Բրիտանիայի արտաքին գործոց նախարար Ջերեմի Հանթն ասել է, որ «Իրանը պարտավոր է դադարեցնել սադրիչ և սպառնացող գործողությունները»: Թեհրանը պնդում է, որ հրթիռային ծրագիրը բացառապես պաշտպանական է, չի սպառնում որևէ այլ երկրի և չի հետապնդում միջուկային զենք կրելու կարողությամբ հրթիռ ստեղծելու նպատակ: Նախօրեին Իրանի հարցով ԱՄՆ-ի հատուկ ներկայացուցիչ Բրայան Հուքը Եվրամիության երկրներին կոչ է արել Իրանի նկատմամբ սահմանել նոր պատժամիջոցներ: ԱՄՆ պետքարտուղար Մայք Փոմփեոն ասել է, որ Իրանի նոր հրթիռը կարող է մի քանի միջուկային մարտագլխիկ կրել և թիրախ դարձնել ամբողջ Մերձավոր Արևելքն ու Եվրոպայի որոշ շրջաններ: Այս տարվա մայիսին Վաշինգթոնը հայտարարել է Իրանի հետ գերտերությունների 2015 թվականի միջուկային համաձայնագրից դուրս գալու և պատժամիջոցները վերականգնելու մասին, ինչը զայրացրել է եվրոպացի դաշնակիցներին:

Related news

Latest News
Hashtags:   

կանդրադառնա

 | 

Իրանի

 | 

հրթիռային

 | 

փորձարկմանը

 | 
Most Popular (6 hours)

Most Popular (24 hours)

Most Popular (a week)

Sources