Wednesday 19 December 2018
Home      All news      Contact us      English
azatutyun - 16 days ago

Վախճանվել է անվանի գրող Անդրեյ Բիտովը

Այսօր Մոսկվայում 82 տարեկանում մահացել է անվանի ռուս գրող Անդրեյ Բիտովը:  Մասնագիտությամբ երկրաբան Բիտովը համարվում է ռուսաց գրականության պոստմոդերնիզմի հիմնադիրներից մեկը:  Բիտովը գրել է 1965 թվականից, սակայն նրա ստեղծագործությունների զգալի մասը լույս է տեսել միայն պերեստրոյկայի հռչակումից հետո: Բիտովը հեղինակել է ավելի քան երեսուն ստեղծագործություն: 1988 թվականին մանսակցել է ռուսական ՊԵՆ ակումբի հիմնադրմանը և 1991 թվականին ընտրվել է ակումբի նախագահ: Նույն թվականին Բելլա Ախմադուլինայի, Միխայիլ Ժվանեցկու և Յուզ Ալեշկովսկու հետ ստեղծել է  БаГаЖъ ոչ պաշտոնական գրական միավորումը: Անդրեյ Բիտովը պատմվածքների, էսեների, վիպակների և վեպերի հեղինակ է: Նրա ամենահայտնի ստեղծագործություններից է Պուշկինի տունը վեպը, որը 1978 թվականին հրատարակվել է ԱՄՆ-ում: 1990 թվականին այն Ֆրանսիայում ճանաչվել է տարվա լավագույն օտարալեզու գիրք :  Մեծ ճանաչում ունեն Բիտովի ճանապարհորդությունների արդյունքում ծնված հրապարակախոսական ակնարկները, այդ թվում Հայաստանի դասերը ստեղծագործությունը: 2014 թվականին Բիտովը և գիտության ու արվեստի բնագավառի մի շարք այլ անվանի գործիչներ դատապարտել են Ղրիմում Ռուսաստանի վարած քաղաքականությունը:   

Related news

Latest News
Hashtags:   

Վախճանվել

 | 

անվանի

 | 

Անդրեյ

 | 

Բիտովը

 | 
Most Popular (6 hours)

Most Popular (24 hours)

Most Popular (a week)

Sources