Wednesday 19 December 2018
Home      All news      Contact us      English
azatutyun - 16 days ago

Նիկոլ Փաշինյանը «ՀՀԿ-անների մեղադրանքները շուռ է տվել նրանց դեմ»

«Նիկոլ Փաշինյանը Հանրապետականների մեղադրանքները շուռ է տվել նրանց դեմ»․ - «Ազատության» հետ զրույցում համոզմունք հայտնեց վերլուծաբան, Ռազմավարական և ազգային հետազոտությունների հայկական կենտրոնի տնօրեն Մանվել Սարգսյանը՝ անդրադառնալով Փաշինյանի աղմկահարույց հայտարարությանը: Անցած շաբաթ օրը Սյունիքի մարզում քարոզարշավի ժամանակ Նիկոլ Փաշինյանն ասել էր, թե որոշ, ուժեր իրենց նեղ խմբային և անձնային շահերից ելնելով, դավադիր պատերազմ են հրահրում, և հանձնարար էր Ազգային անվտանգության ծառայությանը զբաղվել այդ հարցով․ - «Նրանք որոշել են քաղաքական սադրիչ հայտարարություններով դավադիր պատերազմի հրձիգ դառնալ՝ հույս ունենալով, որ կկարողանան հրահրել դավադիր պատերազմ և այդ համատեքստում լուծել իրենց նեղ խմբային և անձնային շահերը: Որոշ մարդիկ շատ վստահ քայլերով շարժվում են դեպի պետական դավաճանություն»:  Վերլուծաբան Մանվել Սարգսյանի կարծիքով, այս ամենը պետք է ընկալել նախընտրական տրամաբանության շրջանակներում: Ըստ նրա, արտաքին սպառնալիքը մշտապես օգտագործվել է բոլոր ընտրություններում: Եթե այժմ Հանրապետականի անվան տակ հանդես եկող անձինք վախեցնում են ժողովորդին Ղարաբաղի հարցով, թե նոր իշխանությունը դավադրություններ է ծրագրում, ապա Փաշինյանն այդ նույնը կիրառում է Հանրապետականների դեմ: «Ենթադրենք Հանրապետական կուսակցության բրենդի տակ ինչ-որ մարդիկ են հավաքվել․ բրենդի տակ հավաքված մարդիկ ի՞նչ պիտի ասեն: Պիտի սարսափեցնեն հանրությանը: Ուրիշ ոչ մի ասելու բան չկա: Մոբիլիզացիոն ինչ-որ պոտենցիալ է, որ ուշադրությունը հրավիրեն իրենց: Նույն մոտեցումն էլ ցուցաբերեց Փաշինյանը․ ոնց որ հանրապետության մոբիլիզացնի այս ներքին վտանգի գաղափարի շուրջ», - «Ազատության» հետ զրույցում ասաց Սարգսյանը: «Ազատություն»․ - Դուք ասում եք, որ Հանրապետականի բրենդի տակ հանդես եկող որոշ անձինք՝ նախկին իշխանությունները, փորձում են, Լեռնային Ղարաբաղի խնդիրը շահարկելով, հանրության մեջ վախ սերմանել, որ այս իշխանությունը ինչ-որ դավադիր գործունեություն է ուզում ծավալել: Հիմա Փաշինյանը․․․ Սարգսյան․ - Բոլորը շուռ ա տվել իրանց դեմ: Պետք է նստել, հեռուստատեսության նայել, սպասել, որ վերջանան այս ընտրությունները: «Ազատություն»․ - Դուք կարծում եք, որ բովանդակություն, ռեալություն այդ ասվածում չկա: Սարգսյան․ - Բովանդակությունս ո՞րն ա: Հիմա ինքը կոնկրետ ոչ մի բան չի ասել: «Ազատություն»․ - Բայց Ազգային անվտանգության ծառայությանը հանձնարարել է զբաղվել այդ գործով: Սարգսյան․ - Ազգային անվտանգությունը րոպեն մեկ ստեղ ա մտնում, ընտեղ ա մտնում․․․ «Ազատություն»․ - Ո՞ւմ էր ուղղված  Փաշինյանի այս խոսքը: Սարգսյան․ - Հանրապետական բրենդի տակ հավաքվածներին, ուրիշներին․․․ երևի Դավիթ Շահնազարյանին, Դաշնակցությանն էլ էր ինչ-որ ձևով ուղղված: «Ազատություն»․ - Դա սպառնալի՞ք էր կոնկրետ ուժերին, անհատներին: Սարգսյան․ - Նրանց սպառնաս ի՞նչ անես, ովքե՞չ էդ մարդիկ․․․ Ես նայում եմ, տեսնում եմ․․․ ովքե՞ր են․․․ թե՛ ստեղ, թե՚ Արցախում: Մարդիկ են, որոնք արդեն գնում են, դա էն անցած Հայաստանի, հին համակարգի մնացորդներն են: «Ազատություն»․ - Գնացողներով ինչո՞ւ պետք է ԱԱԾ-ն զբաղվի: Սարգսյան․ - ԱԱԾ ի՞նչ պիտի զբաղվի․․․ Կկանչի, կխոսի: Նրանք էլ կասեն՝ կատակ ենք անում, կասեն՝ ընտրություններ ա, ի՞նչ եք ուզում, դուք տենց եք ասում, մենք էլ սենց ենք ասում:                Մինչդեռ «Իմ քայլը» դաշինիքի պատգամավորության թեկնածու Լենա Նազարյանը պատերազմ հրահրելու և ոմանց կողմից պետական դավաճանության ուղղությամբ շարժվելու մասին Նիկոլ Փաշինյանի հայտարարությունը նախընտրական տրամաբանության շրջանակներում չի դիտարկում՝ հորդորելով սպասել փաստերին: Ամեն դեպքում Նազարյանը վստահեցնում է, թե Փաշինյանի այդ հայտարարությունը չպետք է դիտարկել իբրև ընդդիմախոսներին լռեցնելու փորձ:  «Քանի որ հայտարարությունը իսկապես շատ լուրջ է, ես ճէի ուզի մտածել, որ դա քարոզչական հնարք է: Բայց լրացուցիչ հայտարարություններից զերծ կմնայի, քանի որ իսկապես պետք են փաստեր», - «Ազատության» հետ զրույցում ասաց Նազարյանը: «Ազատություն»․ - Նաև արդեն իսկ կարծիքներ, վերլուծություններ են հնչում, որ այս հայտարարությունը կարող է դիտարկվել որպես ճնշում ընդդիմախոսների նկատմամբ, ովքեր վերջին օրերին քննադատում են, բանակի հետ կապված որոշ հայտարարություններ են անում, Լեռնային Ղարաբաղի հետ կապված: Սա կարո՞ղ է դիտարկվել նման փորձ ընդդիմախոսներին լռեցնելու՝ իբրև սպառնալիք» Նազարյան․ - Ոչ, իհարկե: Ընդդիմախոսներին լռեցնելու ոչ մի միտում չկա: Սպառնալու միտում էլ չկա, պետք չէ փնտրել: Եղել են, իհարկե, ի պատասխան արձագանքներ, որոնք վերաբերել են Արցախին, Արցախի անվտանգությանը: Մեր նպատակն է եղել հերքել սուտը, կեղծիքը և նենգափոխված տեղեկատվությունը: «Ազատություն»․ - Հնարավո՞ր է լինեն, օրինակ, ձերբակալություններ որոշ քաղաքական ուժերի ներկայացուցիչների: Նազարյան․ - Ես գիտեմ, որ ձերբակալություն կլինի միայն Արամ Հարությունյանի հետ կապված առաջիկայում: Մյուսների հետ կապված ես, իհարկե, տեղեկություններ չունեմ:         Հավելենք, որ Ազգային անվտանգության ծառայությունից դեռևս չեն պատասխանել «Ազատության» հարցին, թե Նիկոլ Փաշինյանի հանձնարակականի շրջանակներում ԱԱԾ ինչ գործողություններ է իրականցրել և ովքեր են կանչվել հարցաքննության: 

Related news

Latest News
Hashtags:   

Նիկոլ

 | 

Փաշինյանը

 | 

անների

 | 

մեղադրանքները

 | 

նրանց

 | 
Most Popular (6 hours)

Most Popular (24 hours)

Most Popular (a week)

Sources