Wednesday 12 December 2018
Home      All news      Contact us      English
azatutyun - 24 days ago

Թրամփ. «Ահավոր բռնի, դաժան, սարսափելի դեպք է»

Խաշոգջիի մասին քար լռություն Սաուդյան Արաբիայի թագավոր Սալման բին Աբդուլազիզ Ալ Սաուդն այսօր ելույթ է ունեցել Մաջլիս Աշ-Շուրայում: Դա երկրի խորհրդակցական մարմինն է, ինչ-որ իմաստով օրենսդիր ժողով, որի բոլոր անդամներին հենց թագավորն է նշանակում: Ենթադրվում էր, որ Սալմանը կանդրադառնա սաուդցի ընդդիմադիր լրագրող Ջամալ Խաշոգջիի սպանությանը, սակայն 83-ամյա միապետի ուղերձի առանցքային թեման տարածաշրջանում Սաուդյան Արաբիայի ոխերիմ մրցակից Իրանն էր: Թագավորը միջազգային համայնքին կոչ է արել ճնշում բանեցնել և ստիպել Թեհրանի ղեկավարներին սառեցնել միջուկային և հրթիռային ծրագրերը: Խաշոգջիի մասին ոչ մի խոսք, միայն  իրավապահներին հասցեագրված անուղղակի ակնարկ-գովասանք պարտականությունները լավ կատարելու համար: Մինչդեռ, ամբողջ աշխարհը սպասում էր, թե ինչ կասի միապետն այդ զարհուրելի հանցանքի մասին: ԿՀՎ-ի կարծիքով, պատվիրատուն թագաժառանգն է  Միացյալ Նահանգների կենտրոնական հետախուզական վարչությունը հանգել է այն եզրակացության, որ Խաշոգջիի սպանությունը պատվիրել է Սաուդյան Արաբիայի փաստացի ղեկավարը՝ Սալմանի որդի և  թագաժառանգ Մուհամադ բին Սալմանը: Միացյալ Նահանգների նախագահ Դոնալդ Թրամփն ասել է, որ ստացել է Ստամբուլում սաուդցի ընդդիմադիր լրագրող Ջամալ Հաշոգջիի սպանության մասին Կենտրոնական հետախուզական վարչության համառոտ զեկույցը: Թրամփը չի ցանկանում լսել դաժան ձայնագրությունը Թրամփը նշել է, որ ինքն անձամբ հրաժարվել է լսել սպանության ձայնագրությունը: «Ես գիտեմ այն ամենը, ինչ կա այդ ձայնագրությունում, և դա լսելու կարիք չունեմ: Դա ահավոր բռնի, դաժան, սարսափելի դեպք է», - ասել է Թրամփը Կալիֆորնիա մեկնելուց առաջ լրագրողների հետ զրուցելիս: Խաշոգջին իր հոդվածներում և հեռուստատեսային ելույթներում հաճախ է քննադատել թագաժառանգին: Չցանկանալով միանշանակ դատապարտել թագաժառանգին՝ Թրամփը նշել է, որ Կենտրոնական հետախուզական վարչությունը սոսկ նախնական գնահատական է տվել: ԱՄՆ նախագահն ընդունում է, որ թագաժառանգին մոտ կանգնած մարդիկ, ամենայն հավանականությամբ, առնչություն ունեն սպանության հետ: «Մենք շատ մանրամասն զեկույց կունենանք, հավանաբար, երկուշաբթի կամ երեքշաբթի օրը: Դա կլինի ամբողջական զեկույց, մենք կհասկանանք, թե ինչ է պատահել և ով է դա արել: Մենք սպանության մասին ենք խոսում, ուստի պետք է իմանանք, թե ով է դա արել», - ասել է Դոնալդ Թրամփը: Ճամպրուկներ կամ ծծմբաթթու... Ջամալ Խաշոգջին սպանվել է այն բանից հետո, երբ հոկտեմբերի 2-ին մտել է Ստամբուլում Սաուդյան Արաբիայի հյուպատոսարան, որտեղ պետք է ստանար թուրք հարսնացու Հաթիջե Ջենգիզի հետ ամուսնանալու համար անհրաժեշտ փաստաթղթերը: Սաուդյան Արաբիայի իշխանությունները նախ կտրականապես հերքել են իրենց առնչությունը լրագրողի անհետացմանը, բայց հետագայում ընդունել են, որ նա սպանվել է հյուպատոսարանում: Ենթադրվում է, որ լրագրողին սպանելու հանձնարարությամբ Սաուդյան Արաբիայից ժամանած գործակալները նրան տեղում խեղդել են, իսկ դին հետագայոում մասնատել են և կամ հյուպատոսարանի տարածքից դուրս են հանել ճամպրուկներով, կամ լուծել են ծծմբաթթվի մեջ: Սաուդյան Արաբիան ԱՄՆ-ի համար՝ կարևոր գործընկեր Միացյալ Նահանգները չի ցանկանում կտրուկ քայլերի դիմել Սաուդյան Արաբիայի նկատմամբ, քանի որ այդ երկիրը համարվում է տարածաշրջանում Ամերիկայի հավատարիմ դաշնակիցը և տնտեսական կարևոր գործընկերը: Մինչդեռ, ԱՄՆ-ում հնչում են պատժամիջոցներ սահմանելու և նույնիսկ զենքի վաճառքը սառեցնելու պահանջներ: Սաուդյան Արաբիայի արքայական շրջանակներից հավաստիացնում են, որ մարդասպանները սեփական նախաձեռնությամբ են գործել, և թագաժառանգը, իբր, կապ չունի հոկտեմբերի 2-ի ողբերգության հետ: Էր Ռիադը խոստացել է, որ մեղավորները կպատժվեն: Սաուդյան Արաբիայում այս գործով ձերբակալվել է առնվազն 18 մարդ մարդ, նրանցից 5-ին մահապատիժ է սպառնում:

Related news

Latest News
Hashtags:   

Թրամփ

 | 

Ահավոր

 | 

դաժան

 | 

սարսափելի

 | 
Most Popular (6 hours)

Most Popular (24 hours)

Most Popular (a week)

Sources