Saturday 15 December 2018
Home      All news      Contact us      English
azatutyun - 28 days ago

ԱՄՆ-ի հետախուզական ծառայությունները եզրահանգել են, որ Հաշոգին սպանվել է թագաժառանգի հրահանգով. մամուլ

ԱՄՆ-ի հետախուզական ծառայությունները եզրակացրել են, որ  Ջամալ Հաշոգիի սպանության հրամանը տվել է  Սաուդյան Արաբիայի թագաժառանգ  արքայազն Մոհամեդ բին Սալմանը: Այդ մասին նոյեմբերի 17-ին նախ գրել է Washington Post-ը, հետո այլ լրատվամիջոցներ, այդ թվում  Associated Press-ն ու Reuters-ը: Washington Post-ը հղում անելով  հարցին տեղյակ մարդկանց, գրել է, թե ամերիկյան հետախուզական ծառայությունների նման եզրակացությունը մասամբ հենվում է նաև Մոհամեդ բին Սալմանի եղբոր՝ ԱՄՆ-ում Սաուդյան Արաբիայի դեսպան  Խալեդ բին Սալմանի հեռախոսազանգի վրա: Ըստ հրապարակումների՝ իր եղբոր ցուցումով  նա զանգահարել է Հաշոգիին և երաշխավորել, որ  Թուրքիայում Սաուդյան Արաբիայի  հյուպատոսությունում նրան վտանգ չի սպառնա: Խալեդ բին Սալմանը  այսօր հերքել է այդ լուրերը, ասելով թե նման զանգ չի եղել, իսկ Հաշոգիի հետ շփվել է մեկ տարի առաջ: Ամերիկյան հետախուզական ծառայությունները ուսումնասիրել են նաև հյուպատոսության  շենքի ներսի ձայնագրությունները, որ նրանց է տրամադրել թուրքական կողմը: Սաուդյան Արաբիայի իշխանություններին քննադատող լրագրող Ջամալ Հաշոգին հոկտեմբերի 2-ին սպանվել է Թուրքիայում Սաուդյան Արաբիայի հյուպատոսությունում:  Մինչև  հիմա նրա մարմինը հայտնաբերված չէ:

Related news

Latest News
Hashtags:   

հետախուզական

 | 

ծառայությունները

 | 

եզրահանգել

 | 

Հաշոգին

 | 

սպանվել

 | 

թագաժառանգի

 | 

հրահանգով

 | 

մամուլ

 | 
Most Popular (6 hours)

Most Popular (24 hours)

Most Popular (a week)

Sources