Monday 17 December 2018
Home      All news      Contact us      English
azatutyun - 1 month ago

«Երկիր Ծիրանի»-ն հայտարարում է, որ մերժում է խորհրդարանական ընտրությունները

«Երկիր Ծիրանի» կուսակցությունը հայտարարում է, որ մերժում է 2018 թվականի դեկտեմբերի 9-ի «ՀՀ խորհրդարանական ընտրություններ» անվանումով կեղծ նախաձեռնությունը» Այսօր տարածած հաղորդագրությունում կուսակցությունը նշել է, որ 2018 թվականի ապրիլ-մայիս ամիսներին տեղի ունեցած Համահայկական մեծ ընդվզումը չվերածվեց Հայկական Մեծ հեղափոխության: «Քառորդդարյա ավտորիտար համակարգին իրավաքաղաքական դատապարտման գնահատական չտրվեց: Մրցունակ և արդյունավետ պետական համակարգի ներդրման վերաբերյալ իրավական հայեցակարգ չընդունվեց: 27-ամյա ավտորիտար համակարգում տեղի ունեցած վերադասավորումները և անվանափոխությունները չեն կարող երաշխավորել արդար, հավասար և թափանցիկ պայմաններում ընտրական իրավունքի իրացում: Ավտորիտար ռեժիմի կեղծ տապալման նմանակման (իմիտացիայի) պայմաններում,  այսպես կոչված՝ «խորհրդարանական ընտրություններ» անվանվող քաղաքական պայքարն ի սկզբանե ձախողված է: Ավտորիտար ռեժիմի կեղծ տապալման սցենար մշակողների կողմից սահմանված կանոններով «խորհրդարանական ընտրությունների» անվան տակ 2018 թվականի դեկտեմբերի 9-ի Հայաստանի Հանրապետության Ազգային ժողովի ընտրություններ միջոցառմանը մասնակցելը, որպես քաղաքական միավոր, ոչ միայն հնարավորություն չի ընձեռելու տապալել ավտորիտարիզմը և ներդնել ժողովրդավարական համակարգ, այլև ընդհակառակը նպաստելու է ավտորիտար ռեժիմի թարմացմանը և լիցքավորմանը», - ասված է հայտարարությունում: «Երկիր Ծիրանի» կուսակցությունը հավելում է՝  «Նիկոլ Փաշինյանի ժամանակավոր կառավարությունը, չնայած ստանձնած պարտավորությանը, չի լուծել արդի Հայկական պետականությունում ընտրական իրավունքի իրացման հետ կապված համակարգային խնդիրը չի ազատականացրել քաղաքական դաշտը, հայ ազգի բոլոր հատվածների արցախցիների, Հայաստանի Հանրապետությունից դուրս գտնվող ՀՀ քաղաքացիների, բազմաքաղաքացիների համար  չի ապահովել ընտրելու և ընտրվելու իրավունքը: 2018 թվականի դեկտեմբերի 9-ին նշանակված արտահերթ խորհրդարանական ընտրություններն առանց ընտրական համակարգի արմատական փոփոխության բազմաշերտ և բազմակողմ հանցավոր պայմանավորվածությունների հետևանք են»: «Գործող գործադիր և օրենսդիր իշխանության կողմից 2018 թվականի դեկտեմբերի 9-ին «ՀՀ խորհրդարանական ընտրություններ» անվանումով նախաձեռնությունը հետապնդում է ապօրինի նպատակ, չի բխում հայ ազգի շահերից և օգտագործվելու է ի նպաստ Հայաստանի Հանրապետությունում առկա թարմացված ավտորիտարիզմի։ «Երկիր Ծիրանի» կուսակցությունը դատապարտում է 2018 թվականի դեկտեմբերի 9-ին նախատեսվող՝ «ՀՀ խորհրդարանական ընտրություններ» անվանումով կեղծ նախաձեռնությունը: «Երկիր Ծիրանի» կուսակցությունը մերժում է 2018 թվականի դեկտեմբերի 9-ին ՀՀ խորհրդարանական ընտրություններ անվան տակ կեղծիքը և հայտարարում, որ շարունակելու է պայքարը կյանքի կոչելով Հայկական Մեծ Հեղափոխությունը», - ասված է հայտարարությունում: Այսօր ժամը 18-ին լրանում է ընտրական ցուցակները Կենտրոնական ընտրական հանձնաժողով ներկայացնելու ժամկետը: Նախընտրական քարոզարշավը կմեկնարկի նոյեմբերի 26-ին և կավարտվի դեկտեմբերի 7-ին: Ընտրությունները դեկտեմբերի 9-ին են։

Related news

Latest News
Hashtags:   

Երկիր

 | 

Ծիրանի

 | 

հայտարարում

 | 

մերժում

 | 

խորհրդարանական

 | 

ընտրությունները

 | 
Most Popular (6 hours)

Most Popular (24 hours)

Most Popular (a week)

Sources