Thursday 15 November 2018
Home      All news      Contact us      English
azatutyun - 7 days ago

Երկու օրենքների՝ երկրի նախագահի ներկայացրած դիմումում նշված դրույթները հակասահմանադրական են ճանաչվել

Սահմանադրական դատարանը համաձայնել է ՍԴ դատավորի թեկնածուի առաջադրման ժամկետների վերաբերյալ նախագահ Արմեն Սարգսյանի հարցադրումներին: Այս մասին հաղորդում է Հայաստանի նախագահի գրասենյակը: Նախագահը ՍԴ էր դիմել հունիսի 6-ին՝ «Սահմանադրական դատարանի մասին» և «Ազգային ժողովի կանոնակարգ» սահմանադրական օրենքների՝ Սահմանադրական դատարանի թեկնածուի առաջադրման ու ընտրության կարգավորումը նախատեսող որոշ հոդվածների Սահմանադրության պահանջներին համապատասխանության հարցը որոշելու վերաբերյալ: «Թեև 1995 թվականից ի վեր Հանրապետության նախագահն օժտված է եղել oրենքի սահմանադրականության հարցերով Սահմանադրական դատարան դիմելու լիազորությամբ, սակայն գործնականում այս լիազորությունն առաջին անգամ իրացվեց հունիսի 6-ին նախագահ Արմեն Սարգսյանի կողմից՝ դրանով իսկ ներմուծելով որակապես նոր իրավական մշակույթ», - ընդգծում է նախագահի գրասենյակը: Սահմանադրական դատարանը նոյեմբերի 6-ի որոշմամբ վերոնշյալ օրենքների երկրի նախագահի ներկայացրած դիմումում նշված դրույթները ճանաչել է Սահմանադրությանը հակասող: Միևնույն ժամանակ, ՍԴ-ը Սահմանադրությանը հակասող նորմերի ուժը կորցնելու վերջնաժամկետ է սահմանել է 2019 թվականի ապրիլի 1-ը՝ Ազգային ժողովին հնարավորություն տալով սահմանադրական օրենքների խնդրահարույց իրավակարգավորումները համապատասխանեցնել Սահմանադրական դատարանի որոշման պահանջներին: «Սահմանադրական դատարանն իր որոշման մեջ արտահայտած դիրքորոշմամբ համաձայնել է Հանրապետության նախագահի հիմնական հարցադրումների հետ՝ արձանագրելով, որ Սահմանադրական դատարանի դատավորների թեկնածուների առաջադրման ժամկետ սահմանելիս օրենսդրի կողմից պետք է ամրագրվի թեկնածուների առաջադրման ողջամիտ ժամկետ՝ Սահմանադրական դատարանի դատավորների թեկնածուների առաջադրման սահմանադրական լիազորության պատշաճ իրականացումն ապահովելու նպատակով», - ասված է Հայաստանի նախագահի գրասենյակի հաղորդագրությունում:        

Related news

Latest News
Hashtags:   

Երկու

 | 

օրենքների՝

 | 

երկրի

 | 

նախագահի

 | 

ներկայացրած

 | 

դիմումում

 | 

նշված

 | 

դրույթները

 | 

հակասահմանադրական

 | 

ճանաչվել

 | 
Most Popular (6 hours)

Most Popular (24 hours)

Most Popular (a week)

Sources