Tuesday 13 November 2018
Home      All news      Contact us      English
azatutyun - 4 days ago

«Ոչ մեկի կյանքին վտանգ չի սպառնում». Արսեն Թորոսյանն այցելել է ավտովթարի հետևանքով հոսպիտալ տեղափոխված զինվորներին

Առողջապահության նախարարի պաշտոնակատար Արսեն Թորոսյանն այցելել է նոյեմբերի 7-ին Որոտան-Խնձորեսկ ավտոճանապարհին տեղի ունեցած ավտովթարի հետևանքով Կենտրոնական զինվորական հոսպիտալ տեղափոխված չորս զինծառայողներին։ Այդ մասին Թորոսյանը գրել է իր ֆեյսբուքյան էջում։ «Նրանցից մեկի ոտքն արդեն վիրահատել էին, իսկ մյուս երեքը կարիք ունեին ոչ վիրահատական կոնսերվատիվ բուժման։ Ոչ մեկի կյանքին վտանգ չի սպառնում։ Շուտափույթ ապաքինում եմ ցանկանում բոլորին», - գրել է նախարարի պաշտոնակատարը՝ ցավակցություն հայտնելով այս դժբախտ պատահարի հետևանքով զոհված զինծառայողների հարազատներին։ «Կիսում եմ նրանց վիշտը», - գրել է Թորոսյանը։ Նշենք, որ ավտովթարից 4 զինծառայող մահացել է, 17-ը տարբեր աստիճանի վնասվածքներով տեղափոխվել են հիվանդանոցներ։ Պաշտպանության նախարարի պաշտոնակատար Դավիթ Տոնոյանը ևս հայտարարել է, որ վթարի դեպքով «ընթանում է ծառայական քննություն, որի նախնական արդյունքներով արդեն իսկ ակնհայտ է, որ ողբերգության պատճառների շարքում տեղ են գտել տեխնիկական և ծառայության կազմակերպման հետ կապված մի շարք կոպիտ բացթողումներ»։ Դավիթ Տոնոյանը վստահեցրել է, որ մեղավորները պատասխանատվություն կկրեն՝ օրենքի ողջ խստությամբ։

Related news

Latest News
Hashtags:   

կյանքին

 | 

վտանգ

 | 

սպառնում

 | 

Արսեն

 | 

Թորոսյանն

 | 

այցելել

 | 

ավտովթարի

 | 

հետևանքով

 | 

հոսպիտալ

 | 

տեղափոխված

 | 

զինվորներին

 | 
Most Popular (6 hours)

Most Popular (24 hours)

Most Popular (a week)

Sources