Friday 16 November 2018
Home      All news      Contact us      English
azatutyun - 9 days ago

Ընդերքօգտագործողների կողմից վերականգնվել է պետության նկատմամբ պարտավորություններից մոտ 300 մլն դրամը

Գլխավոր դատախազությունը տեղեկացնում է, որ դեռևս 2018-ի առաջին կիսամյակում նախաձեռնել էր ընդերքօգտագործողների կողմից պետության և համայնքների նկատմամբ ունեցած պարտավորությունների կատարման գործընթացում պետական շահերի պաշտպանության վիճակի ուսումնասիրություն: Ըստ հաղորդագրության, պարզվել է, որ 2018-ի հունիսի 5-ի դրությամբ ռեկուլտիվացիոն վճարների գծով թվով 320 ընդերքօգտագործող ունի ընդհանուր շուրջ 523 միլիոն դրամի, պետական տուրքի գծով թվով 123 ընդերքօգտագործող՝ ընդհանուր շուրջ 160 միլիոն դրամի չափով պարտավորություն: Բացի այդ, ըստ դատախազության, պարզվել էր, որ 417 ընդերքօգտագործող չի կատարել համայնքներում սոցիալ-տնտեսական զարգացման ոլորտներում ներդրումներ կատարելու գծով ընդհանուր շուրջ 280 միլիոն դրամի չափով պարտավորություն: Գլխավոր դատախազ Արթուր Դավթյանը հանձնարարել է ձեռնարկել օրենքով սահմանված բոլոր միջոցները՝ պարզելու պարտավորությունների չկատարման պատճառները, պարտավորությունների կատարումից միտումնավորր խուսափելու հնարավոր մեխանիզմների առկայությունը, ինչպես նաև՝ իրավասու պետական մարմինների հետ ձեռնարկել քայլեր ընդերքօգտագործողների կողմից վճարումների կատարումն ապահովելու ուղղությամբ: «Ի կատարումն գլխավոր դատախազի հանձնարարականի՝ Գլխավոր դատախազության պետական շահերի պաշտպանության վարչության կողմից Հայաստանի մարզերի դատախազություններին ուղղված շրջաբերականի և Էներգետիկ ենթակառուցվածքների և բնական պաշարների նախարարություն ուղարկված հաղորդման հիման վրա բոլոր պարտապան ընդերքօգտագործողները նախազգուշացվել են պարտավորություններն ամբողջ ծավալով կատարելու անհրաժեշտության վերաբերյալ», - ասված է հաղորդագրությունում: Գլխավոր դատախազությունը նաև դիմել է Էներգետիկ ենթակառուցվածքների և բնական պաշարների նախարարությանը՝ չկատարված պարտավորությունների վճարումների ընթացքի և գանձման ուղղությամբ միջոցներ ձեռնարկելու և դրանց մասին անհրաժեշտ փաստաթղթերն ու տեղեկատվությունն ստանալու համար՝ դատախազական ներգործության անհրաժեշտ գործիքակազմի կիրառմամբ, միջոցների վերականգնման նպատակով, ըստ անհրաժեշտության, պետական շահերի պաշտպանության հայցերի հարուցման հարցը քննարկելու համար: «Իրականացված միջոցառումների արդյունքում՝ ռեկուլտիվացիոն վճարների գծով ներկա պահի դրությամբ վերականգնվել է շուրջ 80 միլիոն, պետական տուրքի գծով՝ շուրջ 31 միլիոն դրամը, իսկ համայնքներում կատարվել են ընդհանուր շուրջ 183 միլիոն դրամի ներդրումներ: Այսինքն՝ ընդհանուր առմամբ նախորդ 5 ամիսներին, 01.11.2018թ. դրությամբ, պետության և համայնքների նկատմամբ ընդերքօգտագործողների շուրջ 963 միլիոն դրամ պարտավորություններից արդեն իսկ կատարվել են շուրջ 300 միլիոնինը։ Միաժամանակ, բազմաթիվ ընդերքօգտագործողներ պարտավորվել են պարտավորությունները կատարել մաս-մաս՝ կազմած ժամանակացույցին համապատասխան։ Ընդերքօգտագործողների կողմից պարտավորությունների կատարման գործընթացը շարունակվում է», - ասված է հաղորդագրությունում:

Related news

Latest News
Hashtags:   

Ընդերքօգտագործողների

 | 

կողմից

 | 

վերականգնվել

 | 

պետության

 | 

նկատմամբ

 | 

պարտավորություններից

 | 

դրամը

 | 
Most Popular (6 hours)

Most Popular (24 hours)

Most Popular (a week)

Sources