Friday 16 November 2018
Home      All news      Contact us      English
azatutyun - 9 days ago

Հայաստան են այցելել պաշտպանական կրթության և բարեվարքության հարցերով ՆԱՏՕ-ի փորձագետները

Նոյեմբերի 6-8-ը Հայաստանի պաշտպանության նախարարության և ՆԱՏՕ-ի «Պաշտպանական կրթության զարգացման DEEP» թիմի 2018 թվականի համագործակցության պլանի համաձայն Հայաստան է այցելել ՆԱՏՕ-ի «Պաշտպանական կրթության զարգացման» և ՆԱՏՕ-ի Բարեվարքության հարցերով միացյալ թիմը: Այցի նպատակն է ՀՀ ՊՆ ռազմաուսումնական հաստատություններում զինվորական առաջնորդություն և էթիկա, պետական/իրավական պատրաստություն առարկաների ուսումնական ծրագրերի կատարելագործման շուրջ մասնագիտական քննարկումների անցկացումը: Այցի շրջանակում նոյեմբերի 7-ին և 8-ին ՀՀ ՊՆ Վազգեն Սարգսյանի անվան ռազմական համալսարանում կազմակերպվել են ՆԱՏՕ-ի փորձագետների և ՀՀ Զինված ուժերի կրթական համակարգում բարեվարքության ուսուցման ներդրման գործընթացը համապարփակ լուծելու համար ստեղծված ՊՆ աշխատանքային խմբի քննարկումները: Հայկական կողմը ներկայացրել է ԶՈւ կրթական համակարգում բարեվարքության ուսուցման ներդրման գործընթացի շրջանակներում իրականացված աշխատանքները, մասնավորապես ռազմաուսումնական հաստատությունների համապատասխան առարկաների ուսումնական ծրագրերում բարեվարքության վերաբերյալ թեմատիկ նյութերի ներդրման, ինչպես նաև գործընթացի ճանապարհային քարտեզի նախագծերը: ՆԱՏՕ-ի «Պաշտպանական կրթության զարգացման DEEP» թիմի փորձագետներն իրենց հերթին ներկայացրել են Դաշինքի անդամ երկրների ռազմաուսումնական հաստատություններում բարեվարքության ոլորտին վերաբերող ուսումնական առարկաների և դասընթացների ներդրման և անցկացման փորձը, ասված է պաշտպանության նախարարության տեղեկատվության և հասարակայնության հետ կապերի վարչության հաղորդագրությունում: Այցի արդյունքներն ամփոփվել են փորձագետների խմբի հետ պաշտպանության նախարարի տեղակալ Գաբրիել Բալայանի հանդիպման ընթացքում:    

Related news

Latest News
Hashtags:   

Հայաստան

 | 

այցելել

 | 

պաշտպանական

 | 

կրթության

 | 

բարեվարքության

 | 

հարցերով

 | 

փորձագետները

 | 
Most Popular (6 hours)

Most Popular (24 hours)

Most Popular (a week)

Sources