Wednesday 14 November 2018
Home      All news      Contact us      English
azatutyun - 7 days ago

Նոր անկում Թրամփ-լրագրողներ հարաբերություններում

Սպիտակ տունը բռնագրավել է CNN հեռուստաընկերության թղթակից Ջիմ Ակոստայի վկայականը երեկ մամլո ասուլիսի ընթացքում լրագրողի և նախագահ Դոնալդ Թրամփի միջև տեղի ունեցած նյարդային բանավեճից հետո: Անդրադառնալով Հարավային Ամերիկայից Միացյալ Նահանգներ ուղևորվող միգրանտների քարավանին, լրագրողը հարցրել է Թրամփին, թե արդյո՞ք նա չի շահարկել միգրանտների խնդիրը նախընտրական արշավի ընթացքում: Երբ Թրամփն դա հերքել է և ասել է, թե ցանկանում է, որ միգրանտները մուտք գործեն միայն օրինական ճանապարհով, լրագրողն շարունակել է թեման, ասելով, թե «այդ միգրանտները հիմա հարյուրավոր կիլոմետրերի հեռավորության վրա են, նրանց  քարավանը չի կարելի անվանել ներխուժում»: Դրանից հետո Թրամփն ասել է, թե «այլևս բավական» է և պահանջել է, որ լրագրողը հանձնի բարձրախոսը: Սպիտակ տան երիտասարդ աշխատակցուհին փորձել է վերցնել խոսափողը, սակայն լրագրողը չի զիջել և ձեռքով պաշտպանել է այն: Ավելի ուշ Սպիտակ տան մամլո խոսնակ Սարա Հանդերսը հայտարարել է, թե «բացարձակ անընդունելի է, երբ լրագրողը ձեռքով դիպչում ու հրում է իր աշխատանքը կատարող ջահել աշխատակցուհուն»: Ակոստան իր Թվիթերի էջում «սուտ» է որակել Սանդերսի հայտարարությունը: CNN-ը պաշտպանել է լրագրողին, հայտարարելով, որ «նրա մամլո վկայականը խլել են սուր հարցեր տալու պատճառով»: CNN-ը նաև Սարա Սանդերսին մեղադրել է Ակոստայի կեցվածքի մասին ստեր տարածելու համար: Վերլուծաբանները նշում են, որ այդ մամլո ասուլիսով գրանցվեց Թրամփի և լրագրողների հարաբերություններում մի նոր անկում: Թրամփը միջանկյալ ընտրությունների արդյունքը անվանել է «հանրապետականների համար մեծ հաղթանակ, որը ձեռք է բերվել զարհուրելի և թշնամական մամուլի ճնշման պայմաններում»:

Related news

Latest News
Hashtags:   

անկում

 | 

Թրամփ

 | 

լրագրողներ

 | 

հարաբերություններում

 | 
Most Popular (6 hours)

Most Popular (24 hours)

Most Popular (a week)

Sources