Wednesday 14 November 2018
Home      All news      Contact us      English
azatutyun - 7 days ago

«Բացթողումներ եղել են». Գաբրիել Բալայանը՝ երեկվա վթարի մասին

Ըստ պաշտպանության փոխնախարարի պաշտոնակատար Գաբրիել Բալայանի, նոյեմբերի 7-ին Որոտան-Խնձորեսկ ավտոճանապարհին տեղի ունեցած ավտովթարի դեպքով ծառայողական քննությանը զուգընթաց Քննչական կոմիտեում նաև քննություն է ընթանում, հետևաբար, Բալայանը որևիցե մեկնաբանություն այս փուլում անելը ճիշտ չի համարում։ Միևնույն ժամանակ փոխնախարարը նշում է՝ բացթողումներ եղել են։ «Իրոք եղել են բացթողումներ նրա կողմից, ով պատասխանատու էր. զորամասում տարբեր կոչումներ ունեցող զինծառայողների կողմից եղել են բացթողումներ, հիմա հատուկ հանձնախումբն աշխատում է դրա ուղղությամբ, ներգրավված են բոլոր ուժերը որպեսզի այդպիսի աննախադեպ իրադարձություններ այլևս տեղի չունենան։ Եղել են որոշակի տեխնիկական կանոնների խախտումներ, հնարավոր է նաև որոշակի անսարքություններ ի հայտ գան», - այսօր կառավարության նիստից հետո լրագրողների հետ ճեպազրույցում ասաց պաշտպանության փոխնախարարի պաշտոնակատարը։ Լրագրողի հարցին, թե դա տեղի է ունեցել արգելակների անսարքությա՞ն պատճառով, Բալայանը պատասխանեց. - «Եթե հանձնաժողովը մինչև հիմա եզրակացություն չի տրել, ես չեմ գտնում, որ դա օբյեկտիվ է, դա քննարկվող վարկածներից մեկն է»։ Երեկ տեղի ունեցած ավտովթարից 4 զինծառայող մահացել է, 17-ը տարբեր աստիճանի վնասվածնքերով տեղափոխվել են Զանգեզուրի կայազորի զինվորական հոսպիտալ։ Նրանց վիճակը գնահատվում է բավարար։ Պաշտպանության նախարարի պաշտոնակատար Դավիթ Տոնոյանը, ևս հայտարարել է, որ վթարի դեպքով «ընթանում է ծառայական քննություն, որի նախնական արդյունքներով արդեն իսկ ակնհայտ է, որ ողբերգության պատճառների շարքում տեղ են գտել տեխնիկական և ծառայության կազմակերպման հետ կապված մի շարք կոպիտ բացթողումներ»։ Դավիթ Տոնոյանը վստահեցրել է, որ մեղավորները պատասխանատվություն կկրեն՝ օրենքի ողջ խստությամբ։

Related news

Latest News
Hashtags:   

Բացթողումներ

 | 

Գաբրիել

 | 

Բալայանը՝

 | 

երեկվա

 | 

վթարի

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources