Wednesday 14 November 2018
Home      All news      Contact us      English
azatutyun - 7 days ago

«Իրանի նավթակիր նավերը՝ դատական գլխացավանք»

Միացյալ Նահանգները միջազգային համայնքին կոչ է արել արգելել իրանական նավթակիր նավերի մուտքը նավահագիստներ: Վաշինգթոնը նշում է, որ այդ նավերի ընդունումը կարող է հանգեցնել ոչ միայն ամերիկյան պատժամիջոցների, այլև դառնալ բնական խոշոր աղետների պատճառ: Միջազգային ապահովագրական ընկերությունները հրաժարվում են ապահովագրել իրանական նավերը: Դրա հետևանքով Իրանը ստիպված է պայմանագրեր կնքել տեղական ընկերությունների հետ, սակայն դրանց միջոցները բավական չեն հնարավոր խոշոր աղետների դեպքում հատուցում վճարելու համար, քանի որ նավթակիր նավերի հետ կապված պատահարների հատուցումը կարող է հասնել միլիարդավոր դոլարների: «Սուեզի ջրանցքից մինչև Մալակկայի նեղուց՝ իրանական տանկերները հիմա դարձել են նավարկող դատական գլխացավանք»,- ասել է Իրանի հարցերով ԱՄՆ հատուկ ներկայացուցիչ Բրայան Հուքը: «Երկրները, նավահանգիստները, նեղուցներում աշխատող օպերատորները կամ մասնավոր ընկերությունները պետք է գիտակցեն, որ իրենք են պատասխանատվություն կրելու այն դեպքում, եթե նավթ փոխադրող իրանական նավերի հետ վթար պատահի»,- զգուշացրել է Հուքը: Նա հավելեել է, որ փորձելով խուսափել ամերիկյան պատժամիջոցներից՝ իրանական նավթակիրների նավապետերը միտումնավոր անջատում են տեղորոշման սարքավորումները, որոնք խիստ անհրաժեշտ են ծովում մեկ ուրիշ նավի հետ բախումից խուսափելու համար:

Related news

Latest News
Hashtags:   

Իրանի

 | 

նավթակիր

 | 

նավերը՝

 | 

դատական

 | 

գլխացավանք

 | 
Most Popular (6 hours)

Most Popular (24 hours)

Most Popular (a week)

Sources