Friday 16 November 2018
Home      All news      Contact us      English
azatutyun - 9 days ago

Հոսպիտալ տեղափոխված զինծառայողների վիճակն այս պահին գնահատվում է բավարար. ՀՀ ՊՆ

Ըստ Պաշտպանության նախարարության, նոյեմբերի 7-ին Որոտան-Խնձորեսկ ավտոճանապարհին տեղի ունեցած ավտովթարի հետևանքով Զանգեզուրի կայազորի զինվորական հոսպիտալ տեղափոխված բոլոր զինծառայողների վիճակն այս պահին գնահատվում է բավարար: Նախարարությունը նշում է, որ վեց զինծառայողներ ստացել են տարբեր աստիճանի կոտրվածքներ, որոնցից երկուսին նախատեսվում է տեղափոխել ԿԿԶՀ (Կենտրոնական կլինիկական զինվորական հոսպիտալ): «Ողբերգական պատահարի զոհերի հարազատներին իր խորին ցավակցությունն է հայտնել պաշտպանության նախարարի պաշտոնակատար Դավիթ Տոնոյանը, նշելով, որ ընթանում է ծառայական քննություն, որի նախնական արդյունքներով արդեն իսկ ակնհայտ է, որ ողբերգության պատճառների շարքում տեղ են գտել տեխնիկական և ծառայության կազմակերպման հետ կապված մի շարք կոպիտ բացթողումներ։ Դավիթ Տոնոյանը վստահեցրել է, որ մեղավորները պատասխանատվություն կկրեն՝ օրենքի ողջ խստությամբ», - ասված է հաղորդագրությունում։ Ողբերգական ավտովթարի հետևանքով մահացել են շարքային Հայրապետ Վոլոդիայի Նաիրյանը, շարքային Հրանտ Արայի Գասպարյանը, շարքային Էդգար Արմենի Հունանյանը, շարքային Դավիթ Բենիամինի Մելքոնյանը: Զանգեզուրի կայազորի զինվորական հոսպիտալ են տեղափոխվել կապիտան Գևորգ Զարզանդի Մուրադյանը, կրտսեր սերժանտ Կարեն Վարդանի Անտոնյանը, շարքային Արամ Վարդանի Դավեյանը, շարքային Մամիկոն Մնացականի Աբգարյանը, շարքային Գեղամ Գենադիի Յակուբովը, կրտսեր սերժանտ Արթուր Արմենի Սարգսյանը, շարքային Ալիկ Հարությունի Մանուչարյանը, շարքային Մելս Գևորգի Հրաչյանը, կրտսեր սերժանտ Անատոլի Մակբեթի Ռուստոմյանը, շարքային Վաչագան Արամի Մանուչարյանը, կրտսեր սերժանտ Սամվել Սեյրանի Ավետիսյանը, շարքային Արման Վարդանի Մովսիսյանը, շարքային Արսեն Գերասիմի Թորոսյանը, շարքային Կարեն Սուրիկի Մինասյանը, կրտսեր սերժանտ Սասուն Զոհրաբի Հովհաննիսյանը, կրտսեր սերժանտ Հովհաննես Կարենի Հովհաննիսյանը, շարքային Տարոն Արտակի Մանուկյանը, շարքային Առաքել Յուրիի Խաչատրյանը, կրտսեր սերժանտ Սերգեյ Ջանիբեկի Մեհրաբյանը, շարքային Սամվել Ալբերտի Ավագյանը, շարքային Կարեն Արծրունի Խաչատրյանը, շարքային Շմավոն Սեդրակի Մելքոնյանը։ Նշենք, որ վթարի պահին մեքենայում եղել է 21 զինծառայող։

Related news

Latest News
Hashtags:   

Հոսպիտալ

 | 

տեղափոխված

 | 

զինծառայողների

 | 

վիճակն

 | 

պահին

 | 

գնահատվում

 | 

բավարար

 | 
Most Popular (6 hours)

Most Popular (24 hours)

Most Popular (a week)

Sources