Friday 16 November 2018
Home      All news      Contact us      English
azatutyun - 9 days ago

Չէր կարող բժշկական համալսարանի պրոֆեսորադասախոսական կազմը զբաղվել սադրանքներով․ Արմեն Մուրադյան

18 տարվա ընդմիջումից հետո Երևանի պետական բժշկական համալսարանը այսօր գիտական խորհրդի փակ գաղտնի քվեարկությամբ ընտրեց երկու ֆակուլտետների դեկանների: Գիտական խորհրդի նիստի ավարտից հետո ԵՊԲՀ ռեկտոր Արմեն Մուրադյանը պատասխանեց «Ազատություն» ռադիոկայանի հարցերին: Անդրադառնալով Առողջապահության նախարար Արսեն Թորոսյանի վերջին ասուլիսի ժամանակ հնչեցրած մեղադրանքին, թե Արմեն Մուրադյանի գլխավորությամբ վարչապետին ուղղված բաց նամակը սադրանք էր իր անձի դեմ և «ճանճը փիղ դարձնելու օպերացիա»՝ Մուրադյանը նշեց․ - «Չէր կարող բժշկական համալսարանի պրոֆեսորադասախոսական կազմը զբաղվել սադրանքներով: Նրանք զբաղված են բժիշկներ կերտելով»: Իր նախարար եղած տարիներին բուժհաստատություններում հայտնաբերված անարդյունավետ գնումների մասին հայտարարության կապակցությամբ Արմեն Մուրադյանն ասաց, որ դրանով կարող են զբաղվել իրավապահները: Առաջիկայում կձևավորվի նաև ԵՊԲՀ հոգաբարձուների խորհուրդը, որտեղ ամենայն հավանականությամբ չի ընդգրկվի որևէ քաղաքական պաշտոն զբաղեցնող անձ, այդ թվում Առողջապահության նախարարը: «Սա քաղաքական որոշում է, թե ով պետք է լինի, որպեսզի խուսափենք շահերի բախումից: Ի վերջո նախարարությունները կարող են մշտապես վերահսկողություն սահմանել: Եթե անդրադարձ անեմ պետական քննություններին, դրանք բոլորը ձայանգրված են, և չեմ կարծում, որ պետք է նախարարի բազմազբաղ ժամանակը տրամադրել, որ մասնակից դարձնել գործընթացի, որը տեսաձայանգրվում է», - նշեց Մուրադյանը:

Related news

Latest News
Hashtags:   

կարող

 | 

բժշկական

 | 

համալսարանի

 | 

պրոֆեսորադասախոսական

 | 

կազմը

 | 

զբաղվել

 | 

սադրանքներով․

 | 

Արմեն

 | 

Մուրադյան

 | 
Most Popular (6 hours)

Most Popular (24 hours)

Most Popular (a week)

Sources