Friday 16 November 2018
Home      All news      Contact us      English
azatutyun - 10 days ago

Բեռլին երկրամասի դատարանն արգելել է «Շպիգել»-ին և Mitteldeutscher Rundfunk-ին «անհիմն պնդումներ տարածել ՀՀ դեսպանի հասցեին». «Արմենպրես»

«Արմենպրես»-ը տեղեկացնում է, որ ըստ Բեռլին երկրամասի դատարանի որոշման, գերմանական «Շպիգել» պարբերականին և Mitteldeutscher Rundfunk հանրային հեռուստառադիոընկերությանն արգելվել է անհիմն պնդումներ տարածել Հայաստանի դեսպան Աշոտ Սմբատյանի հասցեին: Լրատվամիջոցի փոխանցմամբ, դատարանի որոշման մեջ նշվում է, որ «պատասխանող կողմին, այսինքն՝ «Շպիգել»-ին՝ ի դեմս գործադիր տնօրեն Թոմաս Հասսի և Mitteldeutscher Rundfunk՝ ի դեմս տնօրեն Կարոլա Վիլլեի, «արգելվում է հայցվորի վերաբերյալ բառացի կամ իմաստային պնդել և (կամ) տարածել և (կամ) պնդել և (կամ) տարածել տալ»: Ըստ «Արմենպրես»-ի, կարգադրությունը խախտելու յուրաքանչյուր դեպքի համար դատարանի կողմից սահմանվում է մինչև 250 հազար եվրոյի կարգապահական տույժ կամ մինչև 6 ամիս կարգապահական կալանք: Հրատապ լինելու պատճառով գործի քննությունն անցկացվել է առանց բանավոր ընթացակարգի: Գերմանիայում Հայաստանի դեսպան Աշոտ Սմբատյանին դատարանում ներկայացրել է RAUE LLP փաստաբանական գրասենյակը։ Ըստ գերմանական հեղինակավոր «Շպիգել» պարբերականի և Mitteldeutscher Rundfunk հանրային հեռուստառադիոընկերության համատեղ հետաքննության, Գերմանիայի դաշնային ոստիկանությունը շուրջ երեք տարի հետաքննություն է վարել հայկական մաֆիայի անդամներին ձերբակալելու ուղղությամբ, կասկածներ է ունեցել անգամ երկրում Հայաստանի դեսպան Աշոտ Սմբատյանի վերաբերյալ: Ըստ այդ հրապարակումների, հայկական մաֆիոզ խմբերին բացահայտելու համար վերջին տարիներին Գերմանիայի ոստիկանությունում հատուկ գործողություն է մշակվել, որը կոչվել է FATIL (թարգմանաբար՝ պայքար «օրենքով գողերի» դեմ). այն եղել է խիստ գաղտնի և իրականացվել է Դաշնային հետախուզական ծառայության, Եվրոպոլի, Իսպանիայի, Բելգիայի, Իտալիայի ու Ֆրանսիայի իրավապահների աջակցությամբ: Տարիներ շարունակված քննությունը, ըստ «Շպիգել»-ի, եղել է Գերմանիայում հանցավոր խմբավորումների դեմ իրականացված ամենաընդարձակ գործողություններից մեկը: Արդյունքում իրավապահները արձանագրել են, որ Գերմանիայում հայկական մաֆիոզ խմբավորումները խորը արմատներ են գցել ու հզոր ցանց ստեղծել, սակայն կասկածյալներին հնարավոր չի եղել ձերբակալել՝ ապացույցների ու միջոցների անբավարարության պատճառով: Երեկ Հայաստանի փոխարտգործնախարար Կարեն Նազարյանը հայտարարեց, որ Հայաստանի արտգործնախարարությունը կապի մեջ է գերմանական պատկան մարմինների հետ՝ մամուլում հայտնված որոշ պնդումների արժանահավատությունը ճշտելու համար։ 

Related news

Latest News
Hashtags:   

Բեռլին

 | 

երկրամասի

 | 

դատարանն

 | 

արգելել

 | 

Շպիգել

 | 

Mitteldeutscher

 | 

Rundfunk

 | 

անհիմն

 | 

պնդումներ

 | 

տարածել

 | 

դեսպանի

 | 

հասցեին

 | 

Արմենպրես

 | 
Most Popular (6 hours)

Most Popular (24 hours)

Most Popular (a week)

Sources