Friday 16 November 2018
Home      All news      Contact us      English
azatutyun - 11 days ago

Լուկաշենկոն բացառում է Բելառուսի տարածքում ռուսական ռազմակայանի տեղակայման հնարավորությունը

Բելառուսը չի պատրաստվում ռուսական ռազմակայան տեղակայել իր տարածքում: Այդ մասին այսօր Մինսկում ամերիկացի վերլուծաբանների հետ հանդիպման ժամանակ հայտարարել է Բելառուսի նախագահ Ալեքսանդր Լուկաշենկոն: «Շատ հաճախ է քննարկվում Բելառուսի տարածքում ռուսական ռազմակայանի հարցը: Դա մտացածին թեմա է: Մենք Ռուսաստանի հետ ռազմաքաղաքական դաշինքի մեջ ենք: Կլինի նման ռազմաբազա, թե չի լինի որևէ նշանակություն չունի: Մենք այդ ռազմակայանը չենք տեղեկայում, քանի որ դրա անհրաժեշտությունը չկա: Մեր զինվորականներն ավելի արդյունավետորեն կարող են դիմակայել ցանկացած ագրեսիայի և հակամարտության, որ կարող է ծագել: Եթե մենք դա չկարողանայինք անել, ինքներս կդիմեինք Ռուսաստանին՝ մեր անվտանգությունն ապահովելու խնդրանքով», - դիմելով ամերիկացի վերլուծաբաններին՝ հայտարարում էր Ալեքսանդր Լուկաշենկոն: Բելառուսի տարածքում ռուսական ավիացիոն ռազմակայանի ստեղծման մասին լուրերը ակտիվացան մոտ մեկ ամիս առաջ: Սկզբում այս մասին տեղեկացրեցին ռուսական մի շարք լրատվամիջոցներ պնդելով անգամ, որ ռուսաստանցի զինծառայողների մի մասն արդեն իսկ Բելառուսում է: Սեպտեմբերի 18-ին էլ հրապարակվեց Ռուսաստանի նախագահ Վլադիմիր Պուտինի պաշտոնական հանձնարարությունը ուղղված պաշտպանության և արտաքին գործերի նախարարություններին «բանակցել Բելառուսի իշխանությունների հետ այդ երկրի տարածքում ռուսաստանյան ավիաբազայի ստեղծման ուղղությամբ»: Մոսկվայի այս մտադրությունն արժանացավ հատկապես բելառուսական ընդդիմության կոշտ հակազդեցությանը: Հոկտեմբերի սկզբին բելառուսական ընդդիմության հարյուրավոր աջակիցներ էին դուրս եկել փողոց պահանջելով հրաժարվել ռուսական ավիաբազան երկրի տարածքում տեղակայելու մտադրությունից:

Related news

Latest News
Hashtags:   

Լուկաշենկոն

 | 

բացառում

 | 

Բելառուսի

 | 

տարածքում

 | 

ռուսական

 | 

ռազմակայանի

 | 

տեղակայման

 | 

հնարավորությունը

 | 
Most Popular (6 hours)

Most Popular (24 hours)

Most Popular (a week)

Sources