Friday 16 November 2018
Home      All news      Contact us      English
azatutyun - 11 days ago

«Ներողություն եմ խնդրում, որ «Լույս» դաշինքն այլևս չկա». Արամ Սարգսյան

«Հանրապետություն» կուսակցությունը մասնակցելու է Ազգային ժողովի արտահերթ ընտրություններին իր ծրագրերն ու գաղափարները իրականացնելու նպատակով։ Այդ մասին ֆեյսբուքյան իր էջում գրել է կուսակցության ղեկավար Արամ Սարգսյանը։ Նա շնորհակալություն է հայտնել բոլոր նրանց, ովքեր հավատում էին «Լույս» դաշինքի առաքելությանն ու հաջողությանը: «Ներողություն եմ խնդրում, որ դաշինքն այլևս չկա։ Համոզված եղեք, որ մենք առանձին-առանձին էլ գործելու ենք ի շահ պետության ու ժողովրդի, և այս հարցում այլընտրանք չկա: «Հանրապետությունը» մասնակցելու է Աժ արտահերթ ընտրություններին իր ծրագրերն ու գաղափարները իրականացնելու նպատակով: Մնացածը առաջիկայում...», - գրել է Սարգսյանը։ Նշենք, որ «Լուսավոր Հայաստան» և «Հանրապետություն» կուսակցությունները Երևանի ավագանու ընտրություններին մասնակցելու նպատակով հիմնադրել էին «Լույս» դաշինքը։ «Լուսավոր Հայաստան»-ի ղեկավար Էդմոն Մարուքյանը հոկտեմբերի վերջին ասել էր, որ խորհրդարանական ընտրություններում «Լույս» դաշինքը կպահպանեն։ «Բրենդը կա, բրենդը կլինի, բայց ես կարծում եմ, որ այն ավելի լայն ձևավորում կունենա», - ասել էր Մարուքյանը։ Սակայն երեկ «Լուսավոր Հայաստան»-ը հայտարարեց, որ ընտրություններին կմասնակցի առանձին ցուցակով։ Խորհրդարանական արտահերթ ընտրությունները տեղի կունենան դեկտեմբերի 9-ին։

Related news

Latest News
Hashtags:   

Ներողություն

 | 

խնդրում

 | 

Լույս

 | 

դաշինքն

 | 

այլևս

 | 

Սարգսյան

 | 
Most Popular (6 hours)

Most Popular (24 hours)

Most Popular (a week)

Sources