Wednesday 14 November 2018
Home      All news      Contact us      English
azatutyun - 9 days ago

Ուժի մեջ են մտել Իրանի նկատմամբ ԱՄՆ-ի նոր պատժամիջոցները

Այսօր ուժի մեջ է մտել Իրանի նկատմամբ ԱՄՆ-ի նոր պատժամիջոցների փաթեթը, որը նախագահ Դոնալդ Թրամփը որակել է որպես «ամենահզորը երբևէ սահմանվածից»: Նոր պատժամիջոցների թիրախն են Իրանի էներգետիկայի, նավագնացության, նավաշինության և ֆինանսական սեկտորները: Վաշինգտոնը հայտարարել է, որ այդ փաթեթի նպատակն է «ստիպել Իրանին փոխել վարած քաղաքականությունը և վերջ տալ տարածաշրջանում վնասակար գործունեությանը»: Այսօր վաղ առավոտյան Իրանի նախագահ Հասան Ռոհանին ասել է, թե «երկիրը արժանապատվորեն կշրջանցի այդ նոր սահմանափակումները»: Դրանից ժամեր առաջ Թրամփը՝ ակնարկելով Իրանում վերջին շաբաթներին ի հայտ եկած տնտեսական ճգնաժամն ու սոցիալական դժվարությունները, ասել է, թե «տեսնում եք, ինչ է կատարվում Իրանում, նրանց գործերը լավ չեն»: Վաշինգտոնը նախազգուշացրել է Իրանից նավթ գնող երկրներին, որ հարկ է «մինչև զրո հասցնել գնումներն, այլապես գնորդները նույնպես կենթարկվեն պատժամիջոցների»: Միաժամանակ Վաշինգտոնը 180 օր է հատկացրել 8 պետություններին, որոնք կարող են այդ  ընթացքում շարունակել իրանական նավթի գնումը:  Այց ցուցակում են Չինաստանը, Հնդկաստանը, Հարավային Կորեան, Իտալիան, Հունաստանը, Թուրքիան, Ճապոնիան և Թայվանը:

Related news

Latest News
Hashtags:   

Իրանի

 | 

նկատմամբ

 | 

պատժամիջոցները

 | 
Most Popular (6 hours)

Most Popular (24 hours)

Most Popular (a week)

Sources