Friday 16 November 2018
Home      All news      Contact us      English
azatutyun - 11 days ago

«Սաբահ». «Խաշոգջիի դին ոչնչացրել են ծծմբաթթվով»

Թուրքիայի իշխանությունները փորձում են պարզել, թե ով է արձակել սաուդցի ընդդիմադիր լրագրող Ջամալ Խաշոգջիի (նաև՝ Հաշոգի) սպանության հրահանգը: Այդ մասին այսօր Անկարայում «Անադոլու» լրատվական գործակալությանն ասել է Թուրքիայի փոխնախագահ Ֆուատ Օգթայը: «Թուրքիան շատ լուրջ է վերաբերվում այդ սպանությանը: Կա հաղորդագրություն այն մասին, որ Խաշոգջիի դին ոչնչացրել են ծծմբաթթվով, մենք պետք է պարզենք այդ հանգամանքը», - ասել է փոխնախագահը: «Սաբահ» պարբերականը երկուշաբթի օրը գրել է, թե Խաշոգջիի սպանության 9-րդ օրը Սաուդյան Արաբիայից Ստամբուլ է ժամանել մի թիմ, որի կազմում են եղել քիմիկոս և թունաբան: Այդ խմբի խնդիրն էր ոչնչացնել լրագրողի դին և թաքցնել սպանության ապացույցները: Ջամալ Խաշոգջին քննադատել է Սաուդյան Արաբիայի թագավորության վարած քաղաքականությունը: Հոկտեմբերի 2-ին նա փաստաթղթեր ստանալու նպատակով մտել է Ստամբուլում Սաուդյան Արաբիայի հյուպատոսարան, որտեղ սպանվել է: Անկարան համոզված է, որ լրագրողին սպանել են Սաուդյան Արաբիայի բարձրաստիճան ղեկավարների հրամանով: Այդ գործով կա 18 կասկածյալ: Թուրքիան պահանջում է նրանց արտահանձնումը, սակայն Սաուդյան Արաբիան մերժում է պահանջը: Միջազգային համայնքը խստորեն դատապարտել է սպանությունը և պահանջել է բացահայտել ու պատժել մեղավորներին: Թուրքիայի նախագհահ Ռեջեփ Էրդողանն ասել է, որ տեղի է ունեցել միտումնավոր և մանրամասն ծրագրված սպանություն։

Related news

Latest News
Hashtags:   

Սաբահ

 | 

Խաշոգջիի

 | 

ոչնչացրել

 | 

ծծմբաթթվով

 | 
Most Popular (6 hours)

Most Popular (24 hours)

Most Popular (a week)

Sources