Saturday 4 December 2021
Home      All news      Contact us      RSS      English
tert.am - 11 days ago

Պատրուշևն Արևմուտքին մեղադրել է միգրանտների չվերահսկվող հոսքերի ի հայտ գալու համար

Արևմուտքի միջամտությունն այլ երկրների գործերին դարձել է աշխարհի տարբեր մասերում միգրանտների չվերահսկվող հոսքերի ի հայտ գալու հիմնական պատճառը, և դրանք դադարեցնելու համար հարկավոր է խնդիրը հիմնովին լուծել:

Այդ մասին, ինչպես տեղեկացնում է Արմենպրես -ը, հայտարարել է Ռուսաստանի անվտանգության խորհրդի քարտուղար Նիկոլայ Պատրուշևը:

Չվերահսկվող միգրացիոն հոսքն ընդմիշտ դադարեցնելու համար պահանջվում է խնդիրը լուծել հիմնովին: Արևմուտքը պետք է հրաժարվի այլ երկրների գործերին միջամտելու, կոշտ ռազմական ուժի կիրառմամբ իր համոզմունքները փաթաթելու քաղաքականությունից ,-Պատրուշևն ասել է Փաստեր և փաստարկներ թերթին տված հարցազրույցում:

Օրինակ, մարդիկ Բելառուսի տարածքով Եվրոպա են փախչում Իրաքից, որտեղ իրադրությունը վատթարացել է ռազմական ներխուժումից և նախագահ Սադամ Հուսեյնի ֆիզիկական վերացումից հետո, նշել է Պատրուշևը:

Փախչում են Լիբիայից, որտեղ Արևմուտքը ոչնչացրել է պետության ղեկավար Մուամար Քադաֆիին և երկիրը հասցրել քայքայման: Աֆղանստանում 20 տարի արմատավորել են այդ պետության համար օտար կարգեր, իսկ արդյունքում՝ արևմտամետ ռեժիմը տապալվեց մի քանի շաբաթվա ընթացքում: Սիրիայում նույնպես ցանկանում էին այսպես կոչված կարգ հաստատել, փորձում Էին ֆիզիկապես վերացնել Բաշար Ասադին և քիչ էր մնացել, որ գլոբալ ահաբեկչական խալիֆայություն ստեղծվեր ,-հավելել է Պատրուշևը:

Նրա խոսքով՝ քաոս և ավերածություն առաջացնելով Մերձավոր Արևելքում և Հյուսիսային Աֆրիկայում, արևմտականներն այժմ զարմանում են, թե ինչու է այդ երկրների բնակչությունը զանգվածաբար տեղափոխվում այլ տարածաշրջաններ:

Ընդ որում, շփոթելով պատճառը և հետևանքը, Եվրոպայի իշխանությունները ջանքերը կենտրոնացրել են Բելառուսին ագրեսիվորեն քննադատելու վրա, և, միաժամանակ, Ռուսաստանի՝ Մինսկին և Մոսկվային մեղադրելով միգրացիոն ճգնաժամ կազմակերպելու համար: Բելառուսից ստեղծել են արտաքին թշնամու կերպար, որն իբր սպառնում է Եվրոպայի անդորրին: Ելնելով այդ տրամաբանությունից՝ կարելի է ասել, որ քամին փչում է, որովհետեւ ծառերն օրորվում են ,-ասել է Պատրուշևը:


Latest News
Hashtags:   

Պատրուշևն

 | 

Արևմուտքին

 | 

մեղադրել

 | 

միգրանտների

 | 

չվերահսկվող

 | 

հոսքերի

 | 

գալու

 | 

համար

 | 

Sources